આજકાલ સોશિયલ મીડિયામાં ઇન્સ્ટાગ્રામનો વધુ ઉપયોગ યંગસ્ટર્સ કરતા હોય છે. પહેલા સોશિયલ મીડિયામાં ફેસબુક પર ફેક એકાઉન્ટ બનાવી અને બદનામ કરવાના કિસ્સા બનતા હતા પરંતુ હવે ઇન્સ્ટાગ્રામ પર લોકોને ફેક આઈડી બનાવી અને બદનામ અથવા તો હેરાન કરવામાં આવતા હોવાના કિસ્સા વધ્યા છે.
મણીનગર ખાતે રહેતી યુવતીની બની ચોંકાવનારી ઘટના
૨૮ વર્ષીય યુવતીએ સાયબર ક્રાઇમમાં ફરિયાદ નોંધાવી
પૂર્વ પ્રેમી સાથેના ફોટા કોઇએ સોશિયલ મીડિયા પર કર્યા પોસ્ટ
શહેરના મણિનગરમાં રહેતી યુવતીનો તેના પૂર્વ પ્રેમી સાથેનો ફોટો કોઈએ ઇન્સ્ટાગ્રામના ફેક એકાઉન્ટમાં મૂકી બદનામ અને હેરાન પરેશાન કરતાં તેણે ફરિયાદ નોંધાવી છે.
૨૮ વર્ષીય યુવતીએ સાયબર ક્રાઇમમાં ફરિયાદ નોંધાવી
મણિનગરમાં રહેતી ૨૮ વર્ષીય યુવતીએ સાયબર ક્રાઇમમાં ફરિયાદ નોંધાવી છે. ફરિયાદમાં જણાવ્યા અનુસાર યુવતી મૂળ નાંદેજ ખાતે તેનાં માતા પિતા સાથે રહે છે. તે અવારનવાર તેના મોટા બાપુજીના ત્યાં મણિનગરમાં આવે છે.
ઇન્સ્ટાગ્રામ પર આવી હતી ફ્રેન્ડ રિકવેસ્ટ
યુવતી સોશિયલ મીડિયામાં તેનાં એકાઉન્ટ ધરાવે છે. ઓકટોબર મહિનામાં યુવતી તેના મોટા બાપુજીના ઘરે રોકાવા આવી હતી. ત્યારે તેને ઇન્સ્ટાગ્રામ પર એક ફ્રેન્ડ રિકવેસ્ટ આવી હતી. જે ફ્રેન્ડ રિકવેસ્ટ આવી તે સ્વીકાર્યા બાદ તેણે તેમાં પ્રોફાઈલ પિક્ચર જોયું તો તેનો અને અન્ય યુવકનો તેમાં ફોટો હતો.
યુવતીને હેરાન કરવા બનાવ્યું એકાઉન્ટ
તે યુવક અન્ય કોઈ નહિ પણ તેની સગાઈ જે યુવક સાથે થવાની હતી તે યુવક સાથેનો ફોટો હતો. જોકે આ યુવક સાથે યુવતી સગાઈ કરવાની હતી પણ તે વારંવાર કોઈ બાબતોને લઈને ઝઘડા કરતો હોવાથી તેની સાથે સગાઈ કરી ન હતી. આ આઈડી યુવતીને હેરાન કરવા બનાવ્યું હોવાની શંકા જતાં તેણે તે આઈડી ધારક ને બ્લોક કરી દીધો હતો.