સાવધાન / સ્વાદના શોખીનો ચેતજો! ચટણીમાંથી નીકળી ગરોળી તો સમોસામાંથી જીવાત, જુઓ વીડિયો

રાજ્યમાં છાશવારે ખાણી-પીણીમાંથી જીવાત નીકળવાની ઘટના સામે આવે છે, ક્યારેક ઢોસામાથી જીવાત નીકળે છે, તો ક્યારેક નમકીનના પેકેટમાંથી જીવાત નીકળે છે. આ સમયે ફૂ઼ડ વિભાગ દેખાડો કરવા માટે કામગીરી પણ કરે છે. આમ છતાં ખાણી-પીણીમાંથી જીવાત નીકળવાનું બંધ થતું નથી. રાજ્યમાં છેલ્લા 2 દિવસમાં 3 સ્થળેથી ખાણીપીણીમાંથી જીવાત નીકળવાની ઘટના બની છે.

ખાણીપીણીમાંથી જીવાત નીકળવાની ઘટના યથાવત

આજે વડોદરામાં જગદીશ ફરસાણ અને સ્વીટની દુકાનની મીઠાઇમાંથી માખી નીકળી છે. આ માખી કોર્પોરેશનના સિક્યુરિટી કર્મચારીએ ખરીદેલી મિઠાઈમાંથી જ નીકળી છે. જેથી ગ્રાહકે આરોગ્ય વિભાગ તપાસ કરે તેવી માગ કરી છે. આવી જ રીતે આજે મહેસાણાના કડીમાં સમોસામાંથી જીવાત અને ચટણીમાંથી ગરોળી નીકળી છે. જેનો વીડિયો સોશિયલ મીડિયા પર વાયરલ થયો છે. આ વીડિયોના આધારે ફૂ઼ડ વિભાગે ઉમેશ ગુપ્તા નામના વેપારીની દુકાનમાં દરોડા પાડીને સેમ્પલ લીધા છે. આવી જ એક ઘટના ગઈકાલે પણ સામે આવી હતી. ગઈકાલે મણિનગરના ગ્વાલિયા સ્વીટની મીઠાઈ ફૂગવાળી નીકળી હતી. જેથી મિઠાઈ ખરીદનારી મહિલાએ AMC ફૂડ વિભાગમાં ફરિયાદ કરી હતી, જેના કારણે AMCના ફૂડ વિભાગે ગ્વાલિયા સ્વીટને સીલ કર્યું હતું.

આ પણ વાંચો: વન રક્ષકની ભરતીને લઈ મોટા સમાચાર, શારીરિક કસોટી માટે વધારે ઉમેદવારોને બોલાવવા સરકારની સૂચના

હયાત હોટલના સાંભારમાંથી જીવાત બદલ દંડ

તો બીજી તરફ અમદાવાદની હયાત હોટલના સાંભારમાંથી જીવાત નીકળવાનો મામલે બે લાખનો દંડ ફટકારાયો છે. હોટલે ગ્રાહકને પીરસેલા સાંભારમાંથી જીવાત નીકળી હતી. જે મામલે AMCએ હોટલનું કિચન સીલ કર્યુ હતું. AMCએ હયાત હોટલને બે લાખનો દંડ ફટકારીને કિચનનું સીલ ખોલી આપ્યું છે

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ