અમદાવાદના સારંગપુરની શિવગંગા હોટલ પાસેના CCTV ફૂટેજ સામે આવ્યા છે. પોલીસે માસ્ક ન પહેરવા બદલ દંડને બદલે રોકડા માગ્યાનો હોટલ માલિકનો આક્ષેપ
અમદાવાદના સારંગપુરમાં પોલીસ રોકડા લેવાની ફિરાકમાં
શિવગંગા હોટલ પાસેના CCTV ફૂટેજ આવ્યા સામે
પોલીસે માસ્ક ના પહેરવા બદલ દંડને બદલે રોકડા માંગ્યા
અમદાવાદના સારંગપુરમાં પોલીસની દાદાગીરીનો વીડિયો વાયરલ થયો છે. માસ્કના નામે પોલીસ તોડબાજી કરતો હોવાનો વધુ એક વીડિયો વાયરલ થયો છે. અમદાવાદના સારંગપુરની શિવગંગા હોટલ પાસેના CCTV ફૂટેજ સામે આવ્યા છે. પોલીસે માસ્ક ન પહેરવા બદલ દંડને બદલે રોકડા માગ્યા હતા.
આ ઘટના અંગે શિવગંગા હોટલના માલિકે આક્ષેપ કર્યો હતો કે, તેમની પાસેથી પોલીસ કર્મચારીએ રૂપિયાની માગ કરી હતી. તો હોટલ માલિકે રૂપિયા ના આપતા પોલીસે ધમકાવ્યો હોવાના પણ આક્ષેપ કર્યા છે. આ સાથે રૂપિયા આપવાનો ઇન્કાર કરતા હોટલ માલિકને માર પણ માર્યો હતો. જે બાદ હોટલ માલિકે પોલીસ કમિશનરને સમગ્ર ઘટના અંગે રજૂઆત કરી હતી. સમગ્ર ઘટના 28 માર્ચ 2021ની રાતની છે.
હોટલ માલિકે પોલીસ કમિશનરને લખ્યો પત્ર
અમદાવાદના સારંગપુરમાં જે હોટલના માલિકે પોલીસ કમિશનરને પત્ર લખ્યો છે. જેમાં 28 માર્ચના દિવસે હોળીનો તહેવાર હતો. અને મારા પરિવારના ગુજરાન માટે હું હોટલ પર કામગીરી કરી રહ્યો હતો. હોટલ માલિકે કહ્યું કે, 9 વાગ્યાની આસપાસ હું માસ્ક પહેર્યા વગર ઉભો હતો. જે મારી ભૂલ હતી. આ દરમિયાન ખાડીયા પોલીસના બે કોન્સ્ટેબલ મારી પાસે આવ્યા અને માસ્ક ન પહેરવાના બદલે દંડ ભરવાનું કહ્યું હતું. હું દંડ ભરવા માટે તૈયાર હતો.
મેં માત્ર 1 હજાર રૂપિયાની રસીદ આપવા માટે કહ્યું હતું. મેં કોન્સ્ટેબલ પાસે રસીદ માગતા મને માતા-બહેનની ગાળો આપવાનું ચાલુ કર્યું હતું. સાથે માર પણ મારવા લાગ્યા હતા. આ સાથે મને 2 કલાક સુધી ખાડીયા પોલીસ મથકમાં પણ ગોંધી રાખ્યો હતો. સાથે મારા પર દારૂ પીવાનો મૌલીક આક્ષેપ કરી અને 5 હજાર માગ્યા હતા. અને નાણા ન આપવા પર કેસમાં ફસાવવાનો આક્ષેપ પણ કર્યો હતો.