કોરોના મહામારીમાં અમદાવાદ મનપાની બેદરકારી સામે આવી છે એટલું જ નહીં પરંતુ દર્દીઓ પાસેથી વધારાના બીલ વસૂલાતા હોવાની ઘટના સામે આવી છે. આ મામલે VTVના અહેવાલની અસર થઈ છે.
વૈશ્વિક મહામારીમાં પણ અમદાવાદની હોસ્પિટલે માનવતા નેવી મુકી
ડેજીગ્નેટેડ તપન હોસ્પિટલ મહામારીમાં ચલાવી રહી છે ઉઘાડી લૂંટ
કોરોના પોઝિટિવ દર્દીનું 4 દિવસનું વધારે બિલ બનાવ્યું
અમદાવાદની તપન હોસ્પિટલ દ્વારા ખોટા બીલનો મામલે VTVના અહેવાલની અસર પડી હતી. અમદાવાદ કોર્પોરેશન તપન હોસ્પિટલ સામે તપાસ કરશે. દર્દીના સગાની ફરિયાદ બાદ કાર્યવાહી થશે. હેલ્થ DYMCએ VTV સાથે ટેલિફોનિક વાતચીતમાં માહિતી આપી છે. ખોટા બિલનું પેમેન્ટ દર્દીના સગાને રિફંડ અપાશે.
વૈશ્વિક મહામારીમાં પણ અમદાવાદની હોસ્પિટલે માનવતા નેવી મુકી છે. ડેજીગ્નેટેડ તપન હોસ્પિટલ મહામારીમાં ઉઘાડી લૂંટ ચલાવી રહી છે. કોરોના પોઝિટિવ દર્દીનું 4 દિવસનું વધારે બિલ બનાવ્યું છે. 14 નવેમ્બરે દાખલ થયેલા દર્દીનું 4 નવેમ્બરથી બિલ બનાવ્યું છે. 14 નવેમ્બરે દાખલ થયેલા દર્દીનું 25 નવેમ્બરે મૃત્યુ થયું છે. હોસ્પિટલે દર્દીને 44 હજારનું ખોટું મેડિસિન બિલ પકડાવ્યું છે.
નાગરિકો પાસેથી બેફામ પૈસા લૂંટતી હોસ્પિટલને મનપાના અધિકારીઓ જ છાવરે છે
રાજ્ય સરકારના પરિપત્રના લીરેલીરા ઉડાવ્યા છે. દર્દીને હોસ્પિટલે 11 દિવસનું રૂપિયા 4 લાખ 10 હજારનું કુલ બિલ આપ્યું છે. કયા નિયમના આધારે હોસ્પિટલે આવી રીતે ચલાવી ઉઘાડી લૂંટ? જાણે અમદાવાદ મહાનગરપાલિકા ખાનગી હોસ્પિટલોને કમાવાની તક આપી રહ્યું છે. ખાનગી હોસ્પિટલ સાથે અમદાવાદ મહાનગરપાલિકાના અધિકારીઓના ખુલ્લા સેટિંગ છે. ખાનગી હોસ્પિટલો કોરોનામાં સામાન્ય નાગરિકોને બેફામ લૂંટી રહી છે. નાગરિકો પાસેથી બેફામ પૈસા લૂંટતી હોસ્પિટલને મનપાના અધિકારીઓ જ છાવરે છે. અમદાવાદની તપન હોસ્પિટલનો કિસ્સો મહાનગરપાલિકાના અધિકારીઓના સેટિંગનું ઉદાહરણ પુરુ પાડી રહી છે.
સળગતા સવાલ
શું માનવતા ભૂલી ગઈ છે આ હોસ્પિટલો?
હોસ્પિટલને મહામારીમાં કમાવવાનું સુઝે છે?
કયા નિયમોને આધારે હોસ્પિટલે ચલાવી લૂંટ?
ડેજીગ્નેટેડ તપન હોસ્પિટલે આવા તો કેટલા ગફલા કર્યા?
કોઈ મરતા વ્યક્તિને પણ લૂંટવાનો?
કેવી રીતે આ હોસ્પિટલ ખોટું બિલ આપી શકે?
ગરીબ દર્દી હવે ક્યાં જશે?
સરકાર ડેજીગ્નેટેડ તપન હોસ્પિટલ સામે કરશે કાર્યવાહી?
આવા તો કેટલાક દર્દીઓ સાથે હોસ્પિટલે રમી હશે રમત?
શું તમે તપન હોસ્પિટલ માત્ર કમાવવા માટે જ ખોલી છે?
હોસ્પિટલમાં દાખલ થયા વગર દર્દીનું બિલ કેવી રીતે બનાવી શકો?