અમદાવાદના શાહીબાગ ખાતે આવેલી યુએન મહેતા હોસ્પિટલમાં પાર્કિંગમાં સીડી ભૂત પ્રેત દેખાતાં હોવાના વીડિયો તેમજ ફોટોગ્રાફ્સ સોશિયલ મીડિયામાં વાયરલ થતાં ચર્ચાનો વિષય બન્યો છે. લોકોને ડરાવવા માટે વીડિયો કરવા માટે કર્યો હોય તેવું લાગી રહ્યું છે. ત્યારે આ વીડિયો યુએન મહેતા હોસ્પિટલના પાર્કિંગનો છે તે હજુ સુધી સ્પષ્ટ નથી થયું. જોકે કોઈએ ટીખળ માટે કે સનસનાટી ફેલાવવા તરકટ કર્યું હતું. આ વીડિયોમાં એડિટિંગ કર્યું હોવાનું અનુમાન લગાવાય રહ્યું છે. જોકે, આ વીડિયો ફેક હોવાનું જણાય છે.
યુ.એન. મહેતા હોસ્પિટલના પાર્કિંગમાં ભૂત હોવાનો વીડિયો કર્યો વાયરલ
વીડિયો અને ફોટા સોશિયલ મીડિયામાં વાયરલ થતાં ચર્ચા
કોઈએ ટીખળ માટે કે સનસનાટી ફેલાવવા તરકટ કર્યું હતું
આજે સમાજમાં કેટલોક એવો વર્ગ છે જે અંધશ્રદ્ધા, ભૂતમાં માને છે અને તેને ખોટી રીતે સોશિયલ મીડિયામાં વાયરલ કરતાં અચકાતા પણ નથી. જેના કારણે લોકોમાં ડર અને ભયનો માહોલ ઊભો થાય છે. શાહીબાગની યુએન મહેતા હોસ્પિટલના પાર્કિંગમાં ભૂત પ્રેત હોવાનો વીડિયો સોશિયલ મીડિયામાં છેલ્લા બે દિવસથી વાયરલ થઇ રહ્યો છે. જેના કારણે લોકોમાં ચર્ચાનો વિષય બન્યો છે કે સાચે જ હોસ્પિટલના પાર્કિંગમાં ભૂત છે. સિવિલ હોસ્પિટલના કેમ્પસમાં આવેલી યુએન મહેતા હોસ્પિટલના પાર્કિંગમાં ભૂત હોવાનું અફવા ફેલાતો વીડિયો વાયરલ થતાં લોકોમાં ચર્ચાનો વિષય બન્યો છે.
તાજેતરમાં યુએન મહેતા હોસ્પિટલનું નવું બિલ્ડિંગ બન્યું છે ત્યારે આ વીડિયો વાયરલ થતાં અનેક તર્કવિતર્ક સર્જાયા છે. સોશિયલ મીડિયામાં છેલ્લા બે ત્રણ દિવસથી વીડિયો ફરી રહ્યો છે. તે યુએન મહેતાનો હોય તેવું દેખાય છે પરંતુ હકીકતતો તપાસ કર્યા બાદ જાણવા મળે.
બેઝમેન્ટ પાર્કિંગમાં લોખંડની સીડી આપોઆપ હલતી હોય તેવો વીડિયો છે જ્યારે કેટલાક ફોટોગ્રાફ્સમાં મહિલા અને બાળકોનાં ભૂત હોય તેવું દર્શાવી રહ્યા છે. ભૂતના ફોટોગ્રાફ્સ જોતાં એ ફલિત થાય છે કે કોઇએ ફોટોશોપ કે ગ્રાફિક્સની મદદથી એડિટ કર્યા હોય ત્યારે વીડિયોમાં પણ સીસીટીવીના નહીં કોઇએ મોબાઇલ ફોનથી કે કેમેરાથી રેકોર્ડિંગ કર્યું હોય તેવું લાગી રહ્યું છે.
હોસ્પિટલની છબી કરવા માટે તેમજ લોકોમાં ભયનો માહોલ સર્જાય તે માટે કોઇએ જાણી જોઇને આ ટીખળ કર્યું છે. હાલ પાર્કિંગમાં ભૂત પ્રેત છે તેવી દહેશતથી કેટલાય લોકો પાર્કિંગ કરવાનું ટાળી રહ્યા હોવાનું પણ ચર્ચામાં છે.