ચોંકાવનારી ઘટના / દુષ્કર્મના આરોપીને ગુજરાત હાઇકોર્ટે આપ્યા જામીન, કારણ જાણીને ચોંકી ઉઠશો

• અમદાવાદમાં HCએ દુષ્કર્મનાં આરોપીને જણાવ્યો નિર્દોષ
• 3 વખત પ્રજનન ટેસ્ટમાં ન આવ્યું કંઈ સામે
• HCએ અરજદાર ફોટોગ્રાફરની જામીન મંજૂર કરી હતી

અમદાવાદમાં એક ચોંકાવનારો કિસ્સો સામે આવ્યો છે. અમદાવાદની 27 વર્ષીય મોડેલ સાથે 45 વર્ષીય ફ્રિલાન્સ ફોટોગ્રાફર પર અમદાવાદની એક હોટેલમાં લઇ જઇ દુષ્કર્મ આચર્યાની ફરિયાદ ગુજરાત યુનિવર્સિટી પોલીસ મથકમાં નોંધાવામાં હતી. 

3 વખત પ્રજનન ટેસ્ટ કરવામાં આવ્યો
ફરિયાદના આધારે ગુજરાત યુનિ. પોલીસે 45 વર્ષીય ફ્રિલાન્સ ફોટોગ્રાફરની ધરપકડ કરી હતી ત્યારબાદ આરોપીએ 2 વખત સેશન્સ કોર્ટમાં અરજી કરી હતી જે સેશન્સ કોર્ટે ફગાવી દેતા આરોપીએ ગુજરાત હાઇકોર્ટમાં અરજી દાખલ કરી હતી. જસ્ટિસ સમીર દવેની કોર્ટમાં અરજદારના વકીલે દલીલ કરી હતી કે પોલીસ તપાસના ભાગરૂપે આરોપીના 3 વખત પ્રજનન ક્ષમતાના ટેસ્ટ થયા હતા જેમાં આરોપી નિષ્ફળ ગયો છે અને ફરિયાદી મોડેલના બનાવના સમયના વસ્ત્રો અને અંડર ગારમેન્ટ્સની પણ ફોરેન્સિક તપાસ કરવામાં આવી હતી જેમાં પણ કોઇ શંકાસ્પદ પરિણામ મળ્યા નથી. 

પૈસા ન આપ્યા હોવાને લીધે દુષ્કર્મનો લગાવ્યો આરોપ
મોડેલે પૈસાની માગ કરી હતી જે આરોપી દ્વારા પૂર્ણ કરવામાં નહોતી આવી જેથી આ ખોટી દુષ્કર્મની ફરિયાદ કરવામાં આવી છે. સાથે વકીલે એ પણ જણાવ્યુ હતુ કે અરજદાર પ્રજનન ક્ષમતા ન ધરાવતો હોવાથી તેણે લગ્ન પણ કર્યા નથી. હાઇકોર્ટે પ્રાથમિક અભિપ્રાય આપતા જણાવ્યું હતું કે અરજદાર સામે ગુપ્ત હેતુથી ફરિયાદ થયાનું લાગી રહ્યું છે. હાઇકોર્ટે અરજદાર ફ્રિલાન્સ ફોટોગ્રાફરની જામીન મંજૂર કરી હતી.

શું છે સમગ્ર મામલો?
27 વર્ષીય મોડેલએ પોતાના ફ્રીલાન્સર ફોટોગ્રાફર પર દુષ્કર્મનો આરોપ મૂક્યો હતો. 45 વર્ષીય આ ફોટોગ્રાફરે 3 વખત પ્રજનન ટેસ્ટ આપ્યો હતો જેમાં તે પ્રજનન ક્ષમતાના ટેસ્ટમાં ફેઇલ ગયો હતો. ત્રણેય વિવિધ ટેસ્ટમાં આરોપી ફેઇલ જતા હાઇકોર્ટે જામીન કર્યા મંજૂર. અરજદાર વિરુદ્ધ ગુપ્ત હેતુથી ફરિયાદ થયાનો કોર્ટનો પ્રાથમિક અભિપ્રાય છે. ફોટોગ્રાફરનાં વકીલે જણાવ્યું કે મોડેલે પૈસાની માગણી કરી હતી જે ન માનતા ફોટોગ્રાફરની સામે દુષ્કર્મનો આરોપ મૂકવામાં આવ્યો હતો.