ઈલેક્શન પિટિશન રદ્દ કરવા મામલો:કોંગ્રેસ નેતા અહેમદ પટેલને હાઈકોર્ટનો ઝટકો

અમદાવાદ: કોંગ્રેસ નેતા એહમદ પટેલને હાઈકોર્ટે ઝટકો આપ્યો છે. રાજ્યસભાની ચૂંટણીને લઈને એહમદ પટેલે કરેલી અરજીને હાઈકોર્ટે ફગાવી છે. બળવંતસિંહની ઈલેક્શન પિટિશન રદ્દ કરવા માટે એહમદ પટેલે અરજી કરી હતી. હવે ઈલેક્શન પિટિશન પર હાઈકોર્ટમાં ટ્રાયલ ચાલશે.  

આપને જણાવી દઇએ કે ગુજરાતની હાઇકોર્ટમાં કોંગ્રેસના પીઢ નેતા એહમદ પટેલની જીતને પડકારતી એક અરજી ભાજપના નેતા બળવંત રાજપૂત દ્વારા વાંધાઓ રજૂ કરવામાં આવ્યા હતા. જો કે તેમની આ અરજીના અનુસંધાને એહમદ પટેલ દ્વારા પણ એક અરજી કરી હતી. જો કે આ મામલે ગુજરાત હાઈકોર્ટે આ અરજી ખારીજ કરી એહમદ પટેલે બળવંતસિંહ રાજપૂતની અરજી સામે ઉઠાવાયેલા વાંધાઓને નકારી દેવાતા હવે આ મામલે આગામી દિવસોમાં સુનાવણી હાથ ધરવામાં આવશે.

ઉલ્લેખનીય છે કે રાજ્યસભાની ચૂંટણીમાં ભાજપના નેતા બળવંત સિંહ રાજપૂત અને કોંગ્રેસના નેતા એહમદ પટેલ વચ્ચે ભારે રસાકસી જામી પડી હતી જો કે અંતે એહમદ પટેલની જીત થઇ હતી અને એહમદ પટેલ ગુજરાત વતી રાજ્યસભાના સાંસદ બન્યા હતા.