SGVP અને AMCના સંયુક્ત ઉપક્રમે હેરીટેજ યોગ ફેસ્ટિવલનું કરાયું આયોજન

અમદાવાદ: શિયાળાની શીતળ શરૂઆત થતાં અમદાવાદમાં હેરીટેજ યોગ ફેસ્ટિવલની શરૂઆત કરવામાં આવી છે. SGVP અને AMCના સહયોગથી આ હેરીટેજ યોગ ફેસ્ટિવલનું આયોજન કરવામાં આવ્યું છે. આ યોગ ફેસ્ટિવલ ડિસેમ્બર મહિનામાં દર રવિવારે યોજાશે.

જેમાં સૂર્યનમસ્કાર અષ્ટાટક યોગ સૂર્ય ત્રાટક સહિતના તમામ પ્રકારના યોગ કરવામાં આવશે. આ યોગ અમદાવાદના હેરીટેજ સ્થળો જેવા કે ભદ્રનો કિલ્લો અમદાવાદ ગુફા અને ગાંધી આશ્રમ સહિતના હેરીટેજ સ્થળો પર કરવામાં આવશે.



આપને જણાવી દઇએ કે SGVP અને AMCના સંયુક્ત ઉપક્રમે આયોજીત આ યોગ ફેસ્ટિવલ દર વર્ષના અંતે ડિસેમ્બર માસના દરેક રવિવારે યોજવામાં આવે છે.

જેમાં અમદાવાદ શહેરની વિવિધ ઐતિહાસિક જગ્યાઓ પર યોગ કરવામાં આવે છે.  અમદાવાદ શહેરના હેરીટેજ સ્થળે યોગ કરીને આ ફેસ્ટિવલનું આયોજન કરવામાં આવે છે. જેમાં મોટી સંખ્યામાં શહેરના યોગપ્રમીઓ ખાસ હાજર રહે છે. આ આયોજન દરવર્ષે કરવામાં આવે છે.