મુશ્કેલી / અમદાવાદમાં મોડી રાત્રે વરસાદની તોફાની બેટિંગથી ભરાયાં પાણી, રસ્તાઓ ધોવાતાં વાહનચાલકો પરેશાન

• અમદાવાદ સહિત રાજ્યભરમાં વરસાદી માહોલ
• વરસાદને લઇ અનેક જગ્યાએ ધોવાયા રસ્તા
• વરસાદના વિરામ બાદ પણ નથી ઓસર્યા પાણી

ગઇકાલે રાત્રે અમદાવાદ શહેરમાં સાર્વત્રિક વરસાદ વરસ્યો હતો. શહેરમાં વીજળીના કડાકા સાથે મેઘરાજાએ તોફાની બેટિંગ કરી હતી. જો કે વરસાદી માહોલ વચ્ચે અનેક જગ્યાએ રસ્તાઓ ધોવાયા છે. 
 

અમદાવાદમાં અનેક જગ્યાએ રસ્તા ધોવાયા અને ભૂવા પડ્યાં

અમદાવાદમાં વરસાદ બાદ અનેક જગ્યાએ રસ્તાઓ ધોવાઇ ગયા છે. વરસાદના પગલે અત્યાર સુધી અમદાવાદમાં 30થી વધુ ભૂવા પડ્યા છે. ત્યારે અંકુર ચાર રસ્તાથી શાસ્ત્રીનગર જતા રસ્તા પર ભૂવો પડ્યો છે. ભૂવાના કારણે 10 દિવસથી રસ્તો બંધ છે. જેને લઇ વાહનચાલકોને મુશ્કેલી પડી રહી છે. ત્યારે તંત્રની વાંકે સ્થાનિકો અને વાહનચાલકોને ભોગવવાનો વાર આવી રહ્યો છે.
 

અમદાવાદમાં રાત્રે વરસાદથી ભરાયા પાણી

અમદાવાદમાં રાત્રે પડેલા વરસાદથી અનેક જગ્યાએ પાણી ભરાયાં છે. જો કે વરસાદના વિરામ બાદ પણ પાણી ઓસર્યાં નથી. શહેરના ગોતા વિસ્તારમાં વંદે માતરમ નજીક હજી પણ પાણી ભરાયેલા છે. વરસાદી પાણી ભરતાં સ્થાનિકો અને વાહનચાલોકને પરેશાન થયા છે. તંત્ર આગળ અનેકવખત રજૂઆત કરવા છતાં નિરાકરણ ન આવવાથી લોકોમાં રોષ જોવા મળ્યો છે.