શાળા કોલેજોમાં પણ બની રહ્યા છે ડેંગીના ઘર. વાલીઓએ ચેતવા જેવું જો તમારા બાળકો શાળા-કોલેજોમાં જતા હોય તો તમે જાત તપાસ કરજો કે ક્યાંક ડેંગીના મચ્છર તો નથી રહેતાને શાળામા? કેમ કે, આરોગ્ય વિભાગ દ્વારા અમદાવાદની શાળાઓમાં તપાસ હાથ ધરાઈ હતી જેમાં 9 સ્કુલના એડમિનની ઓફિસ સીલ કરી દેવામાં આવી છે શાળાઓને મચ્છરના બ્રિંડગ મુદ્દે નોટીસ ફટકારવામાં આવી છે.
747 સ્કૂલ-કોલેજમાં હાથ ધરાયું ચેકિંગ
9 સ્કૂલોની એડમિન ઓફિસ કરાઇ સીલ
શહેરની 81 સ્કૂલોને નોટિસ ફટકારવામાં આવી
15 સ્કૂલો પાસે દંડ વસૂલવામાં આવ્યા
અમદાવાદમાં આરોગ્ય વિભાગ હવે સફાળુ જાગ્યુ છે. વધી રહેલા રોગચાળા અને ડેંગીના પ્રકોપને લીધે આખરે શાળાઓમાં પણ મચ્છરના બ્રિંડગ મુદ્દે ચેકિંગ કરવામાં આવ્યુ હતુ. મોટા ભાગની શાળાઓમાં પીવાના પાણીના એકમની આસપાસ અથવા તો તેની ટાંકીમાં મચ્છરનો વસવાટ હોય છે ત્યારે આખા અમદાવાદમાંથી 747 સ્કુલ કોલેજમાંનું ચેકિંગ હાથ ધરવામાં આવ્યુ હતુ.
શું કરવામાં આવી કાર્યવાહી
747 સ્કુલ કોલેજમાં ચેકિંગ હાથ ધરાયુ હતુ. મચ્છરોના બ્રિડીંગ મુદ્દે ચેકિંગ કરવામાં આવ્યુ હતુ. 9 સ્કુલોના એડમિન ઓફિસ સીલ કરવામાં આવ્યા છે. શહેરની 81 સ્કુલોનો નોટીસ ફટકારવામા આવી છે. 15 સ્કુલો પાસે દંડ વસુલવામા આવ્યો છે.
45 દિવસમાં 2000થી વધુ ડેંગીના કેસ
અમદાવાદ શહેરમાં 45 દિવસમાં 2000થી વધુ ડેંગીના કેસ નોંધાયા છે ત્યારે આરોગ્ય વિભાગ દ્વારા શાળા કોલેજોની પણ તપાસ હાથ ધરાઈ હતી. બાળકો શાળામાં સૌથી વધુ સમય પસાર કરતા હોય છે. ત્યારે રોગચાળાના મૂળ એવા મચ્છરના બ્રિંડિંગની તપાસ હાથ ધરવામાં આવી છે.
ક્યાં ફટકાર્યો કેટલો દંડ!
નારણપુરામાં મનોરમા પાર્ટી પ્લોટને 25000નો દંડ કરાયો હતો. ખાડિયામાં એન.સી.બોડીવાલા કોલેજને 20000, થલતેજમાં જે.જી.કોલેજને 15000, ઇસનપુરમાં શક્તિ વિહાર હિંદ સ્કૂલને 15,000નો દંડ ફટકારાયો હતો.ગોતામાં ન્યુ સાંદિપની હોસ્ટેલ, ઘાટલોડિયામાં અવિસ કિડ્સ અને ખાડિયામાં વિવેકાનંદ કોલેજને મચ્છરોના બ્રીડિંગ મામલે નોટિસ આપીને 10000 રૂપિયાનો દંડ કરવામાં આવ્યો હતો.રામોલમાં સીપેટ એન્જિ.કોલેજને 7500, નવરંગપુરામાં લોયલા રિસર્ચ સેન્ટર, ઓઢવમાં ડિનર પોસ્ટ હોટલ, હિંગળાજ હોટલ, સરખેજમાં ટેરાકોન પ્રોજેક્ટ, ઇન્દ્રપુરીમાં કુસુમ હિંદી વિદ્યાલય અને ખાડિયામાં મ્યુનિ.શાળા નં-14 ને પાંચ-પાંચ હજાર રૂપિયાનો દંડ કરાયો હતો.વટવામાં સેન્ટ જોસેફ સ્કૂલને 4000, ચાંદલોડિયામાં શ્રીજી હાઇસ્કૂલ, મક્તમપુરામાં શાંતિનિકેતન સ્કૂલ અને વટવામાં ઓમ ઇંટર નેશનલ સ્કૂલને 2500 રૂપિયાનો દંડ થયો હતો. જ્યારે સરખેજમાં પ્યોર કાર્સ પ્રા.લિ.ને 2000નો અને ચાંદલોડિયામાં શ્રેયાંશ સ્કૂલને એક હજાર રૂપિયાનો દંડ ફટકારાયો હતો.