હાર્દિક પટેલે પરેશ ધાનાણીને લખ્યો પત્ર અનામત મુદ્દે ચર્ચા કરવા કરી માગણી

અમદાવાદ: હાર્દિક પટેલે વિપક્ષ નેતા પરેશ ધાનાણીને પત્ર લખ્યો છે. અનામતની માગને પગલે હાર્દિક પરેશ ધાનાણીને પત્ર લખ્યો છે. જેમાં અનામત મુદ્દે વિરોધ પક્ષ કઈ રીતે મદદ કરશે. તે અંગે પ્રશ્ન પૂછ્યો છે.

આ સાથે જ પત્ર લખીને અનામત મામલે ચર્ચા કરવાની પણ માગણી કરી છે. પત્રમાં આવતીકાલે મુલાકાત માટે હાર્દિક પટેલે વાત કરી છે. જેમાં ગાંધીનગર સ્થિત પરેશ ધાનાણીના નિવાસસ્થાને આવતીકાલે મુલાકાત માટે આવી રહ્યા હોવાનો ઉલ્લેખ કર્યો છે.

ઉલ્લેખનીય છે કે પાટીદાર અગ્રણી અને પાસ નેતા હાર્દિક પટેલ અનામત મુદ્દે સતત કાર્યક્રમો આપી રહ્યા છે અને ગુજરાત સરકાર સામે લડત ચલાવી રહ્યા છે ત્યારે ગઇકાલે તેમણે એક પત્ર વિરોધ પક્ષના નેતા અને કોંગ્રેસ અગ્રણી પરેશ ધાનાણીને લખ્યો હતો. 

આ પત્રમાં હાર્દિક પટેલે વિરોધ પક્ષ અનામત મુદ્દે કેવી રીતે મદદ કરશે તે અંગે વાતચીત કરવા માગણી કરી હતી. આ સાથે જ ગાંધીનગર સ્થિત પરેશ ધાનાણીના નિવાસસ્થાને એક ઔપચારિક મુલાકાત કરવાનો પણ ઉલ્લેખ કર્યો હતો. ત્યારે હવે જોવું જ રહ્યું કે પરેશ ધાનાણી આ મામલે શું પ્રત્યુત્તર આપે છે.