ભવાન ભરવાડની ગોકુલ રેસ્ટોરન્ટમાં જુગારધામ પર રેડ પાડવાના મામલે હવે પોલીસે ભવાન ભરવાડના પુત્ર દિનેશ ભરવાડની પણ ધરપકડ કરી લીધી છે. પોલીસ તપાસમાં સામે આવ્યું છે કે, દિનેશ ભરવાડે જ આરોપીઓને રૂમ ભાડે આપ્યો હતો.
આ કેસમાં અત્યાર સુધી 19 આરોપીની ધરપકડ કરાઇ છે. પોલીસે ગતરોજ ગોકુલ રેસ્ટોરન્ટમાં રેડ પાડી અને 18 શખ્સોને ઝડપ્યા હતા અને તેમની પાસેથી 5 લાખ 80 હજાર રોકડ રકમ અને 80 લાખના વાહનો કબ્જે કર્યા છે.
આ વાહનોમાં 6 કાર અને એક એક્ટિવાનો સમાવેશ થાય છે. તેમજ 460 જેટલા ટોકનો પણ કબ્જે કરવામાં આવ્યા છે. આ ઉપરાંત દારૂ સાથે બીજા 3 શખ્સોને પણ પોલીસે ઝડપ્યા છે. આ ત્રણેય શખ્સોને પોલીસે દારૂ પીધેલી હાલતમાં ઝડપ્યા છે.