અમદાવાદ / કિરણ પટેલ જેવો વધુ એક ઠગબાજ ઝડપાયો, PMOની ઓળખ આપી લોકો સાથે છેતરપિંડી

અમદાવાદ: નકલી પોલીસ કે નકલી અધિકારીઓ બનીને ઠગો ઘણા લોકો સાથે છેતરપીંડી કરી જતા હોય છે. ત્યારે આવા જ એક અપરાધીની ક્રાઇમ બ્રાંચે અમદાવાદથી ધરપકડ કરી છે. PMOની ઓળખ આપી લોકો સાથે ઠગાઈ કરનારો વધુ એક ઝડપાઈ ગયો છે. અમદાવાદમાંથી ક્રાઈમ બ્રાંચે ભરત છાબડાની ધરપકડ કરી લીધી છે.

ભરત છાબડા ભાજપના સિનિયર નેતાઓ સાથે ઓળખાણ હોવાનું કરીને લોકોને ફસાવતો હતો. ભરત છાબડા અધિકારીઓ ઇચ્છે ત્યાં બદલી કરાવતો હોવાનું કહીને લોકો સાથે ઠગાઈ કરતો હતો. ત્યારે હરિયાણાના કરનાલ પાસે આશ્રમમાં સાધુ બનીને બેઠેલા ભરત છાબડાની ધરપકડ કરી લેવામાં આવી છે. અમદાવાદ ક્રાઇમ બ્રાંચે ભરત છાબડાને ઝડપીને આગળની કાર્યવાહી હાથ ધરી છે.

આ પણ વાંચો: ગુજરાત પ્રદેશ કોંગ્રેસ સંગઠનમાં નવા-જૂનીના એંધાણ, કોંગ્રેસના પાટીદાર આગેવાનોની અમદાવાદમાં બેઠક

અમદાવાદ ક્રાઈમ બ્રાન્ચની પકડમાં ઠગબાજ

આરોપી ભરત છાબડાની PMO સુધીની પહોંચ લોકોને બતાવતો હતો. સાથે જ તે BJP-RSSના નેતાઓ સાથે પણ ઓળખ બતાવતો હતો. મોટી-મોટી વાતોથી ભરત છાબડાં લોકોને ઠગતો હતો. લોકો સાથે છેતરપિંડી કરતા શખ્સની અમદાવાદ ક્રાઈમ બ્રાન્ચે ધરપકડ કરી લીધી છે. PMO સુધી પહોંચ હોવાનું કહીને ભરત છાબડા લોકોને છેતરતો હતો.

BJP-RSSના મોટાં નેતાઓ સાથે ઓળખાણ હોવાનો પણ દાવો કરતો હતો. ઇચ્છામુજબની જગ્યાએ બદલી કરાવી આપવાના નામે આરોપી લોકોને ઠગતો હતો. છેલ્લા ઘણાં સમયથી હરિયાણાના કરનાલ પાસેના આશ્રમમાં ભરત છાબડા સાધુ બનીને રોકાયો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ