અમદાવાદના ચાંગોદર હાઈવે પાસે આવેલી પ્લાસ્ટીકની કંપનીમાં મોડીરાતે અચાનક આગ લાગતા અફરાતફરીનો માહોલ સર્જાયો હતો. મોડી રાતે લાગેલી આગ હજુ સુધી ઓલવી શકાઇ નહોતી. ફાયર વિભાગના જવાનો આગને કાબુમાં લેવા ભારે જહેમત ઉઠાવી રહ્યા છે.
ફાયર વિભાગી 5 થી વધુ ગાડીઓ હાલ ઘટના સ્થળ પર તૈનાત કરાઈ છે. જે આગને કાબુમાં લેવા તમામ પ્રયાસો કરી રહી છે. આ આગ કયા કારણો સર લાગી તે હજું અકબંધ છે. તો સદ્દનસીબે આ દૂર્ઘટનામાં જાનહાની ટળી છે.
ગત મોડી રાતથી જ ગુજરાત અને ગુજરાત નજીક આવેલ સંઘ શાસિત પ્રદેશ દમણમાં આગ લાગવાના બનાવો સામે આવ્યા છે. ગત મોડી રાતે દમણની એક પેન બનાવતી કંપનીમાં આગ ભભૂકી હતી.
તો આ તરફ અમદાવાદના ઔદ્યોગિક વિસ્તાર ગણાતા ચાંગોદરમાં આવેલ પ્લાસ્ટિકની એક કંપનીમાં આગ લાગતા અફરા તફરી મચી જવા પામી હતી. આ સાથે જ રાજકોટના શાપરમાં પણ એક સ્થળે આગ લાગવાનો બનાવ બનતા દોડધામ મચી જવા પામી હતી.
અમદાવાદના ચાંગોદર ખાતે આવેલી પ્લાસ્ટીકની ફેક્ટરીમાં આગ લાગતા આસપાસના અન્ય કારખાનામાં પણ ભયનો માહોલ જોવા મળ્યો હતો. જો કે 5 જેટલા ફાયર ફાયટરો ઘટના સ્થળે પહોંચ્યા હોવા છતાં આગ પર કાબૂ નહીં મેળવી શકતા આગને ઓલવવાના અન્ય પ્રયાસ હાથ ધરવામાં આવી રહ્યા છે.