શરમજનક / અમદાવાદ : નરાધમ બાપ નગ્ન થઈ સગીર પુત્રીને સાબુ લગાવવાનું કહેતો, આખરે પોલીસે કરી ધરપકડ

• અમદાવાદ હેવાન પિતાની હરકતો આવી સામે
• પત્ની-પુત્રીને અસહ્ય ત્રાસ આપતો
• દારૂના નશામાં કરતો હેવાની કરતૂત

અમદાવાદમાં હેવાન પિતાની હરકતો સામે આવી છે. સોલામાં પિતા પત્ની અને પુત્રીને અસહ્ય ત્રાસ આપતો હોવાનો મામલો સામે આવ્યો છે. પિતા સગીર પુત્રીને શરીર પર સાબુ લગાવવા મજબૂર કરતો હતો. અને દારૂના નશામાં પત્ની અને પુત્રી પર હેવાની હરકત કરતો હતો. ત્યારે હેવાની પતિના ત્રાસથી અંતે પરણિતાએ સોલા પોલીસમાં ફરિયાદ નોંધાવી છે. સોલા પોલીસે અલગ અલગ ફરિયાદ નોંધી અને નરાધમ પિતાની ધરપકડ કરી છે.

દીકરીને બોલાવીને પીઠ ઘસાવડાવતો હતો

દુશ્મનો પણ જેવો વ્યવહાર ના કરે તેનાં કરતાં પણ ખરાબ  વ્યવહાર પતિએ પત્ની સાથે કર્યો હોવાનો એક દર્દનાક કિસ્સો શહેરના સોલા વિસ્તારમાં સામે આવ્યો છે. જ્યાં પતિ છેલ્લાં ચૌદ વર્ષથી પત્ની પર અમાનવીય અત્યાચાર ગુજારી રહ્યો છે. પતિએ માનવતાની હદ ત્યારે વટાવી કે જ્યારે શર્ટમાં પડેલા એક સામાન્ય ડાઘના બદલામાં પત્નીને પતિએ પોતાનું થૂંક ચટાડ્યું અને બુટ પણ ચટાડ્યા. આ સિવાય પતિ જ્યારે બાથરૂમમાં નાહતો હોય ત્યારે પોતાની સગીર દીકરીને બોલાવીને પીઠ ઘસાવડાવતો હતો. 

ઘરમાં પડેલું થૂંક ચટાડીને પોતાના બુટ પણ ચટાડ્યા હતા.

ગોતા વિસ્તારમાં રહેતી એક ૩૮ વર્ષિય મહિલાએ તેના પતિ વિરુદ્ધમાં ડોમેસ્ટિક વાયોલન્સ એક્ટ હેઠળ ફરિયાદ કરી છે. ફરિયાદમાં કરેલા આક્ષેપ પ્રણામે મહિલાનાં લગ્ન ચૌદ વર્ષ પહેલાં થયાં હતાં. થોડાક વર્ષો પહેલા દંપતી પુત્રી સાથે કારમાં ગયું હતું. જ્યાં પતિ રસ્તો ભૂલી જતાં પત્નીએ તેને કહ્યું હતું જેમાં પતિએ પત્નીના મોે પર ફેંટ મારીને લોહીલુહાણ કરી દીધી હતી. એટલું જ નહીં શર્ટમાં સામાન્ય ડાઘ પડી જતાં પતિએ પત્નીને માર માર્યો હતો અને ઘરમાં પડેલું થૂંક ચટાડીને પોતાના બુટ પણ ચટાડ્યા હતા.

ત્રીજી ફરિયાદ પુત્રીએ પોક્સો એક્ટ હેઠળ નોંધાવી

બે દિવસ પહેલાં પતિ દારૂ પીને આવ્યો હતો ત્યારે પત્નીનો હાથ ખેંચીને રૂમમાં લઇ ગયો હતો જ્યાં પત્ની અને તેની પુત્રી ગભરાઇને બહાર આવી ગયાં હતાં અને પોલીસને ફોન કરીને ફરિયાદ કરી હતી. સોલા પોલીસ ઘટના સ્થળે આવી જતાં દારૂડિયા પતિની ધરપકડ કરી હતી. સોલા પોલીસે આ મામલે પતિ વિરુદ્ધમાં ત્રણ અલગ અલગ ફરિયાદ નોંધી છે. જેમાં એક દારૂ પીવાની છે. બીજી ડોમેસ્ટિક વાયોલન્સની છે અને ત્રીજી ફરિયાદ પુત્રીએ પોક્સો એક્ટ હેઠળ નોંધાવી છે.

અમદાવાદ સોલા વિસ્તારમાં એક નરાધમ પિતાની હેવાનિયમ સામે આવી છે. દારૂના નશામાં સગીર પુત્રી અને પત્ની પર માનસિક અને શારિરીક અત્યાચાર ગુજારતો. પોલીસે આ મામલે આરોપીની ધરપકડ કરી છે.@CMOGuj @AhmedabadPolice pic.twitter.com/tgVnvgqMP7

— VTV Gujarati News and Beyond (@VtvGujarati) December 29, 2020