માઠા સમાચાર / રક્ષાબંધનનો તહેવાર કાળ બની આવ્યો, ધોરાજી પાસે અકસ્માતમાં 2ના મોત, 4 ઘાયલ, બાળકી બચી ગઈ

•  2 વર્ષની બાળકીનો આબાદ બચાવ
• પતિ-પત્નીનું મોત
• 4 લોકો ગંભીર રીતે ઘાયલ

રક્ષાબંધન નિમિત્તે અમદાવાદથી પોરબંદરના રાણાવાવ જઈ રહેલા પરિવારને અકસ્માત નડ્યો હતો. વહેલી સવારે ધોરાજીના ભૂતવડ ગામના પાટીયા પાસે ઢોર આડુ ઉતરતા ચાલકે સ્ટિયરિંગ પરનો કાબૂ ગુમાવ્યો હતો અને દંપતીનું ઘટનાસ્થળે જ મોત નીપજ્યું હતું. જ્યારે ચાર વ્યક્તિને ગંભીર ઈજા પહોંચતા 108 મારફત સારવાર માટે હોસ્પિટલ ખસેડાયા હતા. જ્યારે 2 વર્ષની બાળકીનો ચમત્કારિક બચાવ થયો હતો. 

મૃતકોના નામ

• પ્રવીણભાઈ રાજાભાઈ લગધીર (ઉ.વ.35)  
• ગીતાબેન પ્રવીણભાઈ લગધીર (ઉં. વ.32) 

ઈજા ગ્રસ્ત વ્યક્તિઓના નામ
 

• કિરીટભાઈ દેવજીભાઈ જોશી (ઉં.વ. 37)
•  પ્રિયાબેન રામભાઈ લગધીર (ઉં.વ. 22)
•  મગનભાઈ કેશુભાઈ જોશી (ઉં.વ. 22)
•  મંજુબેન કિરીટભાઈ જોશી (ઉં.વ. 37)