અમદાવાદ એલિસબ્રિજ પોલીસ દ્વારા ડબ્બા ટ્રેડિંગ કરતા લોકોને ત્યાં દરોડા પાડવામાં આવતા ટ્રેડિંગ કરતા લોકોમા ફફડાટ વ્યાપી ગયો છે
ડબ્બા ટ્રેડિંગ કરતા લોકોને ત્યાં દરોડા
એલિસબ્રિજ પોલીસે પાડ્યા દરોડા
મોટા વેપારીઓની સંડોવણીની શક્યતા
અમદાવાદ એલિસબ્રિજ પોલીસ દ્વારા ડબ્બા ટ્રેડિંગ કરતા લોકોને ત્યાં દરોડા પાડવામાં આવતા ટ્રેડિંગ કરતા લોકોમા ફફડાટ વ્યાપી ગયો છે. પાંજરાપોળ પાસે આવેલા શ્યામક કોમ્પલેક્ષમાં પોલીસ દ્વારા મોટી કાર્યવાહી કરવામાં આવી છે. શહેર પોલીસ દ્વારા સવારથી દરોડાની કાર્યવાહી કરાતા લોકોમાં નાસભાગ મળી ગઈ છે.
ડબ્બા ટ્રેડિંગ કરતા લોકોને ત્યાં દરોડા
ડબ્બા ટ્રેડિંગ કરતા લોકોમાં મોટા માથાઓના નામ સામે આવે તેવી શક્યાતાઓ જોવા મળી રહી છે, ત્યારે અત્યાર સુધી પોલીસ કાર્યવાહીમાં 11 લોકો સામે ફરિયાદ નોંધાઈ છે. જેમાં શાશ્વત સ્ટોક બ્રોકર્સ અને પીનાક સ્ટોક બ્રોકર્સના ત્યાં પણ પોલીસ વિભાગે કાર્યવાહી હાથ ધરી હતી. તો આ તરફ વિકી ઝવેરી અને સૌમિક ભાવનગરી મુખ્ય આરોપી હોવાનું મનાતા તેમની સામે પણ ફરિયાદ નોંધી તપાસ કાર્યવાહી કરવામાં આવી છે.
મોટા વેપારીઓની સંડોવણીની શક્યતા
પોલીસ દ્વારા પાડવામાં આવેલા દરોડામાં પોલીસે 18 લાખની રોકડ, 20 મોબાઈલ સહિત 22.95 લાખનો મુદ્દામાલ કબ્જે કર્યો છે. પોલીસ દ્વારા આયકર ભવન સામે આવેલા કોમ્પલેક્ષમાં પણ દરોડા પાડવામાં આવ્યા છે, તો હાલ દરોડામાં કુલ 11 લોકોના સામે ફરિયાદ નોંધાઈ છે ત્યારે ડબ્બ ટ્રેડિંગમાં મોટા વેપારીઓની સંડોવણીની શક્યતાઓ પણ જોવા મળી રહી છે. જો કે સમગ્ર મામલે પોલીસે તપાસનો ધમધમાટ શરૂ કર્યો છે.