VTVGujarati.comની ટીમે કરેલાં ‘ગુજરાત બચાવો’ ઑપરેશનમાં એવી ચોંકાવનારી માહિતી મળી કે તમે જાણીને સ્તબ્ધ થઈ જશો. VTVGujarati.comની ટીમે કરેલાં સ્ટિંગ ઑપરેશન, ઉંઘતી રૂપાણી સરકાર સહિત સમગ્ર ગુજરાતની આંખ ઉઘાડી દે તેટલાં ભયાનક છે. ત્યારે એક યુવાન વિશે જાણવવા જઇ રહ્યા છીએ જે એક સમયે ડ્રગ્સના દૂષણમાં ડૂબ્યો હતો.
ડ્રગ્સના નર્કમાંથી બહાર આવેલાં યુવાનની રૂંવાડા ઊભી કરી દેતી કહાની
સામાન્ય જિંદગી તરફ પરત ફરી રહ્યો છે આ યુવાન
મને ગુસ્સો પણ ભયંકર આવતો અને ગમે તેમ કરીને તે ડ્રગ્સ લેવા તે પ્રયાસ કરતોઃ યુવક
નશો ભલભલા માણસને નકામો બનાવી દે છે. મેં મારી જીંદગી બગાડી પણ તમે ન બગાડતા. આવું કહી રહેલા યુવાનની વાત તમે સાંભળશો તો તમારી આંખ ચુવે નહીં તો જ નવાઈ.
નશો, જુગાર કે પછી કોઇપણ ગંદી આદતોની લત મા'ણાને ખોખલો કરી દેતું હોય છે. વ્યસનના રવાડે ચડેલા માનવીને ફરી સામાન્ય જીવન જીવતો કરવો એ ખરેખર લોઢાના ચણા ચાવવા જેવી બાબત બની જાય છે. અમદાવાદમાં ઠેક-ઠેકાણે નશાકારક ચીજ વસ્તુઓનું વેચાણ કરતા અડ્ડા ધમધમી રહ્યા છે. આ અડ્ડાઓનું સોફ્ટ ટાર્ગેટ છે રાજ્યના યુવાનો.
સામાન્ય વ્યસનથી ડ્રગ્સ સુધીની સફર
ખાસ કરીને કોલેજના યુવાનોને સામાન્ય વ્યસનની ટેવ પાડીને ધીમે-ધીમે ડ્રગ્સ સુધી લઇ જવાનું એક મોટું નેટવર્ક રાજ્યમાં મોટા પાયે ધમધમી રહ્યું છે ત્યારે અમે આપને આજે એક યુવાન વિશે જણાવવા જઇ રહ્યા છીએ જે નશાના રવાડે ચડ્યા બાદ આજે રિહેબ સેન્ટર હેઠળ સારવાર લઇ રહ્યો છે.
સામાન્ય જિંદગી તરફ પરત ફરી રહ્યો છે આ યુવાન
આ યુવકના હાલ જોઇને તેના માવતર રડી પડતા તો આજુબાજુમાં રહેતા લોકો તેને જોઇને દરવાજા પણ બંધ કરી દેતા હતા. આ યુવક ધીમે-ધીમે સામાન્ય જિંદગીમાં પરત ફરી રહ્યો છે ત્યારે તેના વિશે જાણીને ભલભલાને આંખમાં ઝળઝરળીયા આવી જાય તેમ છે.
કેવી રીતે લાગી લત ?
12મું ધોરણ ભણ્યા બાદ આ યુવાનના પિતાએ નવું નક્કોર બાઇક લાવી આપ્યું પરંતુ સંજોગોવસાત તેની પાસેથી આ બાઇકને ચાવી લઇ લેવામાં આવી. મિત્રો આ ઘટનાને લઇને રોજ આ યુવકને સવાલો પૂછ્યા કરતા અને તેને ગુસ્સો આવતો.
VTVGujarati.comની ટીમે ડ્રગ્સના ગોરખધંધા વિશે માહિતી લેવા માટે અમદાવાદની હર એક ખૂંફિયા અને અંધારી ગલીમાં ફરીને ચોંકાવનારા સ્ટિંગ ઓપરેશન કર્યા જેમાં આંખો ફાડી નાંખે તેવી વિગતો સામે આવી છે. સૌથી ચોંકાવનારી માહિતી મળી અમદાવાદના શાહપુરમાં જ્યાં ડ્રગ્સમાં સૌથી ખતરનાક ગણાતું એવું MDMA ડ્રગ ચણા-મમરાંની જેમ માંગો ત્યારે ખુલ્લેઆમ મળી જાય છે. અમને બાતમી તો મળી હતી પરંતુ જ્યારે અમે આ મેળવવાનો પ્રયાસ કર્યો તો અમને ખૂબ જ સરળતાથી અને ખુલ્લેઆમ મળી ગયો હતો. આ માફિયાઓની હિંમત તો જુઓ કે માત્ર વેચવા સુધી નહીં પરંતુ કેવી રીતે આ નશો કરી શકો તે પણ શીખવાડે છે જેથી તેમનો ગ્રાહક સચવાઈ રહે. જુઓ આ ચોંકાવનારો વીડિયો
જ્યારે તે ક્રિકેટના મેદાનામાં જતો ત્યારે આસપાસમાં ગાંજો પીતા લોકોને કારણે તેને પણ નશાની અસર થવા લાગી અને અંતે તેણે ગાંજો પીતા લોકો પાસેથી ગાંજો લઇને પીધો અને ધીમે-ધીમે આ ટોળકી સાથે જોડાયો. આ ટોળકી પાસેથી તે બ્રાઉન સુગર, કોકેઇન, MD, પેટ્રોલ અને વ્હાઇટનરના રવાડે ચડી ગયો.
નશો કરવા માટે પૈસાની જરૂરીયાત કેવી રીતે સંતોષાતી ?
નશાના વિષચક્રમાં ઘૂંટાઇ ગયેલો આ યુવકને નશો કરવા માટે ઘરેથી પૈસા મળતા નહતા ત્યારબાદ તેણે હથિયાર ઉઠાવ્યા. પોતાના વિસ્તારમાં રમાતા જુગારના અડ્ડાઓ પર પોતાના સાથી મિત્રો સાથે જઇને જુગારીઓની ગરદન પર છરો મુકતા અને પૈસા લૂંટી લેતા. લૂંટ દ્વારા મેળવેલા રૂપિયા દ્વારા આ યુવાનો નશાકારક ચીજ વસ્તુઓ ખરીદતા અને પોતાની તલપને સંતોષતા હતા.
1 ગ્રામ MDની કિંમત 2500 રુપિયા
અમદાવાદમાં ઠેર-ઠેર ધમધમતા અડ્ડાઓ પર 1 ગ્રામ ડ્રગ્સની કિંમત 2500 રૂપિયા છે. આ યુવાનને સાત-આઠ હજાર રૂપિયાની જરૂર નશાકારક ચીજ વસ્તુઓ ખરીદવા માટે થતી હતી.
કેવી જિંદગી બની જતી જ્યારે ડ્રગ્સ ના મળે ?
યુવાન પોતાની જિંદગીના ખુલાસા કરતા જણાવે છે કે, જ્યારે તેને તલપ ઉપડે અને જો ડ્રગ્સ ના મળે ત્યારે તેના હાથ-પગ કાંપવા લાગતા અને કોઇને મારીને પૈસા લઇ લેવાનું મન થાય તે કોઇને મારી નાંખવાની પણ ઇચ્છા થતી હતી. યુવકને ગુસ્સો પણ ભયંકર આવતો અને ગમે તેમ કરીને તે ડ્રગ્સ લેવા તે પ્રયાસ કરતો. ક્યારેક તો આ યુવકને આત્મહત્યા કરવાના પણ વિચારો આવી જતા.
આખા અમદાવાદમાં માંગો તે ડ્રગ્સ મળે છે, મહિલા વેપારીઓનો દબદબો
શાહપુર બાદ અમદાવાદમાં અમે અન્ય જગ્યાઓની તપાસ કરતા જોયું તો લગભગ આખા અમદાવાદમાં માંગો ત્યાં તમને જોઈએ એ કેફી પદાર્થ મળ્યાં હતાં. ત્યારે અમારા કેમેરામાં સેટેલાઈટ, આંબાવાડી, સિંધુ ભવન રોડ, ઘાટલોડિયા, રાણીપ, શાસ્ત્રીનગર, રામદેવનગર, ગુલબાઈ ટેકરા, RTO સહિત જેવાં પૉશ વિસ્તારોમાં અફીણ, ગાંજો, બ્રાઉન સુગર, દારુ અને હૅરોઈન જેવા પદાર્થો ખુલ્લેઆમ પોલીસની મીઠી નજર નીચે વેચાય છે. જુઓ આ વીડિયો...
ડ્રગ્સ સરળતાથી મળી જાય કે મહેનત કરવી પડે ?
શહેરમાં એવા કેટલાય ઠેકાણાઓ છે જ્યાંથી ડ્રગ્સ જરૂરિયાત મુજબ મળી જ જતું હોય છે. માત્ર જરુર હોય છે નાણાંની. ડ્રગ્સ માટે પૈસા ફેંકો અને તમાસા દેખો તેવી સ્થિતિ હોય છે. અમદાવાદમાં ચણા-મમરાંની જેમ મળે છે ડ્રગ્સ...
નશો કરતા યુવાનોને યુવકનો સંદેશ
નશાની લત બાદ રિહેબ સેન્ટરમાં સારવાર લઇ રહેલો યુવક સમાજના લોકોને નશો નહીં કરવાનો સંદેશ આપે છે. યુવક જણાવે છે કે, ભૂલથી પણ નશો ન કરશો. તેનાથી માવતર દુ:ખી થાય છે. પરિવાર હેરાન થાય છે.
મિત્રો, નશાની આદતે કેટલાક પરિવારો અને જિંદગી બગાડી છે. અમદાવાદ સહિત રાજ્યમાં કેટલાય એવા ઠેકાણાઓ છે જ્યાં નશાકારક ચીજ વસ્તુઓનું વેચાણ ખુલ્લેઆમ કરવામાં આવી રહ્યું છે ત્યારે આ નશાના રાક્ષસ સામે સ્થાનિક વ્યવસ્થા તંત્ર અથવા રાજ્ય સરકાર વહેલી તકે દંડાત્મક પગલા નહીં લે તો મોટું નુકસાન ભોગવવાનો વારો જરુર આવશે.
વિદેશોમાંથી ગુજરાત પહોંચે છે ડ્રગ્સ, સુરેન્દ્રનગર જિલ્લો ડ્રગ્સનું પીઠ્ઠુ
અફઘાનિસ્તાનમાં અફીણની લખલૂટ ખેતી થાય છે જે પાકિસ્તાનના દરિયાઈ માર્ગે થઈ ગુજરાતમાં સુરેન્દ્રનગર, કચ્છ અને જામનગરના દરિયાકાંઠે પહોંચે છે. સુરેન્દ્રનગર જિલ્લો તો જાતે ગાંજો અને અફીણની ખેતી કરતો જિલ્લો છે. આ ઉપરાંત MDMA, બ્રાઉન સુગર, હૅરોઈન પશ્ચિમ બંગાળ, પંજાબ અને રાજસ્થાનથી રેલવેના પાર્સલ અને માલગાડીઓમાં મારફતે ગુજરાતમાં ઘૂસે છે. હાલમાં ડ્રગ્સના ટ્રાન્સપોર્ટ માટે સુરત માફિયાઓનું પસંદીદું શહેર છે.