ક્રાઈમ / અમદાવાદના જાણીતાં ડૉક્ટરની દીકરીને ગર્ભવતી કરી અમેરિકા ફરાર થનાર યુવાનના માતા-પિતા સાથે એવું થયું કે...

• અમદાવાદનો અનોખો કિસ્સો
• ડોક્ટરની દીકરીને પ્રેમજાળમાં ફસાવી બનાવી ગર્ભવતી
• યુવક અમેરિકા ભાગી ગયો 

આજથી ત્રણ વર્ષ પહેલાં મહિલા પોલીસ સ્ટેશનમાં ફરિયાદ નોંધાઈ હતી કે જાણીતા ડોક્ટરની દીકરીને એક યુવકે પ્રેમજાળમાં ફસાવી તેની સાથે લગ્ન કર્યા બાદ ગર્ભવતી બનાવી હતી. 

પોલીસે જાહેર કરી લુકઆઉટ નોટિસ

આ યુવક યુવતીને ગર્ભવતી બનાવ્યા બાદ અમેરિકા ફરાર થઇ ગયો હતો. ત્યારબાદ યુવતીએ પોલીસ સ્ટેશનમાં યુવક, તેનાં માતા-પિતા સહિત ત્રણ વ્યક્તિ વિરુદ્ધમાં ફરિયાદ કરી હતી. પોલીસે તમામ આરોપી વિરુદ્ધમાં લુકઆઉટ નોટિસ જારી કરી હતી.

યુવકનાં માતા-પિતાની એરપોર્ટ પરથી અટકાયત 

દરમિયાન આજે અમદાવાદ એરપોર્ટથી યુવકનાં માતા-પિતાની એરપોર્ટ પોલીસે અટકાયત કરી હતી. પોલીસે અટકાયત કરાયેલ યુવકના પિતા નિપુણ દેસાઈ અને માતા શીલા દેસાઈને મહિલા પોલીસ સ્ટેશનમાં લાવી તેમની પૂછપરછ શરૂ કરી છે.