રાહત / દિવાળીના તહેવારોમાં અમદાવાદમાં ટ્રાફિક પોલીસ 5 દિવસ સુધી દંડ નહીં વસૂલે પરંતુ...

• અમદાવાદમાં તહેવારોમાં વાહનચાલકોને દંડથી રાહત
• 5 દિવસ ટ્રાફિક પોલીસ વાહનચાલકોને દંડ નહી આપે
• નિયમનું પાલન ન કરનારને ગુલાબ આપવામાં આવશે

હાલ દિવાળીના તહેવારોને લઇને અમદાવાદની બજારોમાં ભીડ જોવા મળી રહી છે ત્યારે ટ્રાફિક પોલીસની દંડાત્મક કાર્યવાહીથી લોકોમાં આક્રોશ જોવા મળતો હતો. તેવામાં હવે 5 દિવસ સુધી ટ્રાફિક દંડ ન વસૂલવાનો નિર્ણય લેવામાં આવ્યો છે. મંદીના માહોલ વચ્ચે પોલીસ પબ્લિક ફ્રેન્ડલી બની છે. પોલીસ કોઈ પ્રકારનો દંડ નહીં વસુલે પણ લોકોએ તહેવાર ટ્રાફિક પાલન અને કોરોનાની ગાઈડ લાઇન પાલન કરવું જરૂરી છે.

જોકે દિવાળીના તહેવારોમાં પોલીસને 5 દિવસની રજા નહીં આપવામાં આવે. શહેર પોલીસને સ્ટેન્ડ ટુ રહેવાના આદેશ અપાયાં છે. જ્યારે SRPની 2 કંપનીઓ રિઝર્વ રાખવામાં આવી છે. પોલીસ સ્ટેશનદીઠ બજાર વિસ્તારોમાં આવતા બજારો અને ભીડભાડ થતી હોય તેવા વિસ્તારોમાં પોલીસનો ખાસ બંદોબસ્ત ગોઠવવામાં આવશે.

તમામ બજાર વિસ્તારોમાં પોલીસ માસ્કનું મફત વિતરણ કરશે

શહેર પોલીસ હવે કોરોના સામેની ફાઈટમાં માસ્ક વિતરણની કામગીરી વેગવંતી બનાવી રહી છે.  શહેરના મુખ્ય બજાર વિસ્તાર ભદ્ર, રિલીફ રોડ વગેરે વિસ્તારમાં સ્થાનિક પોલીસ જે નાગરિકો માસ્ક પહેર્યાં વગર નીકળે તેને વિનામૂલ્યે માસ્ક વિતરણ કરવામાં આવે છે. એ જ રીતે પરાં વિસ્તારના બજારોમાં પોલીસ સ્ટેશનો દ્વારા માસ્ક વિતરણ શરૂ કરવામાં આવ્યું છે.