અમદાવાદ જિલ્લાના ધોળકાના મામલતદાર જમીનમાં નામ ચડાવવા માટે 25 લાખની લાંચ લેતા ACBના હાથે ઝડપાયાં છે. ACBએ મામલતદાર હાર્દિક ડામોર અને વચેટિયાની ધરપકડ કરી છે.
અમદાવાદના ઘોળકાના મામલતદાર લાંચ લેતા ઝડપાયા
ACBએ મામલતદારને લાંચ લેતા રંગે હાથ ઝડપ્યા
જમીનમાં નામ ચડાવવા માટે માગી હતી લાંચ
અમદાવાદના ધોળકામાં મામલતદાર 25 લાખની લાંચ લેતા રંગેહાથ ઝડપાઇ ગયા છે. જમીનમાં નામ ચડાવવા માટે અંગે મામલતદારે 25 લાખ રુપિયાની લાંચ માગ હતી.
જો કે ACB દ્વારા છટકું ગોઠવવામાં આવ્યું હતું, જેમાં મામલતદારને લાંચની રકમ લેતા ઝડપી લીધા. ACBએ મામલતદાર પાસેથી 20 લાખ તેમજ વચેટિયા પાસેથી 5 લાખની રકમ ઝડપી છે.
ACBએ આ કેસમાં ધોળકાના મામલતદાર અને વચેટિયાની ધરપકડ કરી છે. જો કે પ્રાપ્ત મળતી વિગત અનુસાર લાંચ લેતા પકડાયેલા મામલતદારના પિતા પૂર્વ SP રહી ચૂક્યાં છે.
પ્રાપ્ત વિગત અનુસાર જમીનમાં નામ ચડાવવા માટે મામલતદાર કચેરી ધોળકામાં અરજી કરી હતી, જો કે જમીનમાં ચડાવવા માટે મામલતદારે 25 લાખ રુપિાની લાંચ માગી હતી. જો કે ફરિયાદીએ ACBનો સંપર્ક કર્યો હતો. જેને લઇને ACB દ્વારા છટકું ગોઠવામાં આવતા મામલતદાર અને વચેટિયો લાંચની રકમ સ્વીકારતાં રંગેહાથ ઝડપાઇ ગયા હતા.
ACB દ્વારા 1064 હેલ્પ લાઇન શરુ કરવામાં આવી છે, જેમાં પણ ACBને સફળતા મળી હોય તેમ લાગી રહ્યું છે.
ભ્રષ્ટ સરકારી અધિકારીઓની બેનામી મિલ્કતો શોધવા માટેના યુનિટની રચના દેશમાં સૌથી પહેલા ગુજરાત ACB દ્વારા કરવામાં આવી છે. 2020માં ACBએ પકડેલા 275 આરોપીઓને 8513 દિવસ જેલમાં રહેવું પડ્યું. જેમાં રાજ્યના સૌથી પહેલા તરીકે સુરતનો નંબર જ્યારે વડોદરાનો બીજો નંબર તેમજ અમદાવાદ-રાજકોટ ત્રીજા નંબરે રહ્યાં.