અમદાવાદ / ઢબુડી માતાના વૈભવી બંગલા બાદ તપાસ કરવા VTV ની ટીમ પહોંચી ઓફિસે

ચાંદખેડાના IOC રોડ આવી છે ઢબુડી માતાની ઓફિસ

નોંધનીય છે કે, શહેરના ચાંદખેડાના IOC રોડ પર ઢબુડી માતાની ઓફિસ આવેલી છે. IOC રોડ પર મારૂતી પ્લાઝામાં આવેલી ઢબુડી માતાની ઓફિસ બંધ હાલતમાં જોવા મળી હતી. ઢબુડી માતાની આ ઓફિસ શ્રી મોમાઇ માતા ભક્ત મંડળ ટ્રસ્ટના નામે ચાલે છે અને ઢબુડી માતાના તમામ પ્રકારના વહિવટ આ ઓફિસમાં થતા હોવાનું સામે આવ્યું છે.. 

ઢબુડી માતાના ભક્તનું નિવેદન 

VTV ની ટીમ અમદાવાદ ખાતે આવેલ ધનજી ઓડ ઉર્ફે ઢબુડી માતાના વૈભવી નિવાસ સ્થાને પહોંચતા આસપાસ રહેતા ઢબુડી માતાના ભક્તએ નિવેદન આપ્યું હતું કે, માતા પર લાગેલ આક્ષેપો તદ્દન પાયા વિહોણા છે. માતાના પરચા અપરંપાર છે. માતા કહે જ છે કે, 1 હજાર લોકોમાંથી 700 લોકોના કામ થાય જ છે. ઢબુડી માતા પર લાગેલા આરોપો સદંતર ખોટા છે. 

કોણ છે આ અંધશ્રદ્ધા ફેલાવતી ઢબુડી માઁ ?

ગાંધીનગરના રૂપાલ ગામનો ધનજી ઓડ નામનો પુરૂષ ચૂંદડી ઓઢી ઢબુડી મા બન્યો છે. જેના હજારોની સંખ્યામાં ફોલોઅર્સ છે. ધનજી ઓડનો દાવો છે કે તેના પર જોગણી માતાની કૃપા થઈ છે. ભક્તો તેને રૂપાલની જોગણી માતાના નામે ઓળખે છે. ઢબુડી માતા ઉર્ફે ધનજી ઓડ માથા પર ચૂંદડી ઓઢી ધૂણે છે. રૂપાલ સહિત રાજ્ય ભરના અનેક ગામોમાં તથા મુંબઈમાં અનેક કાર્યક્રમો કરી ચૂકી છે ઢબુડી મા.