અમદાવાદ / ધંધુકા તાલુકાના ગામડા ફેરવાયા બેટમાંઃ અમિત ચાવડાએ કહ્યું, સરકાર અને તંત્રના પાપે આ પરિસ્થિતિ

• અમિત ચાવડા ટ્રેક્ટરમાં બેસી સર્વે કરવા નીકળ્યા
• ધંધુકાના ગામડા ફેરવાયા બેટમાં, ગામમાં કેડ સમાણાં પાણી
• ખેતરોમાં પાણી ફરી વળતા પાક બળી ગયો 

અમદાવાદ જિલ્લાના છેવાડાના અનેક ગામો બેટમાં ફેરવાયાં

અમદાવાદના ધંધુકા તાલુકાના ગામડાઓ ભારે વરસાદ બાદ બેટમાં ફેરવાઈ ગયા છે. ઉતેલિયા ગામની પણ કંઈક આવી જ સ્થિતિ છે. ત્યારે કોંગ્રેસ પ્રદેશ પ્રમુખ અમિત ચાવડા ગામની મુલાકાતે પહોંચ્યા હતા. ગામમાં કેડ સમાણાં પાણી ભરાઈ ગયા છે. લોકોના ઘરમાં પાણી છે. ઘરવખળી પલળી ગઈ છે. આ મામલે અમિત ચાવડાએ સરકાર પર પ્રહાર કર્યા હતા અને કહ્યું કે તંત્રના પાપે આ પરિસ્થિતિ સર્જાઈ છે.
 

ઉતેલીયા ગામના લોકોની સ્થિતિ સાંભળી
 
અમદાવાદ જિલ્લાના છેવાડાના તાલુકા એવા ધંધુકાના ગામડાઓ બેટમાં ફેરવાઈ ગયા છે. ત્યારે અનેક ગામડાઓમાં કમર સુધીના પાણી ભરાયા છે. જ્યારે બીજી તરફ કોંગ્રેસ પ્રદેશ પ્રમુખ અમિત ચાવડા ટ્રેક્ટરમાં બેસીને સર્વે કરવા નીકળ્યા છે.

 

ખેતરમાં પાણી ફરી વળતા ખેડૂતોને પારાવાર નુકસાની થઈ છે. ઉભો પાક ધોવાઈ ગયો છે તો ક્યાંક કોહવાઈ ગયો છે.  પ્રદેશ પ્રમુખ અમિત ચાવડાની સાથે જયરાજસિંહ પરમાર અને અન્ય કોંગ્રેસી નેતાઓ ગામડાઓની મુલાકાત લઈ રહ્યા છે.