રાજ્યમાં શાળાઓમાં દિવાળી વેકેશન પૂર્ણ થઇ રહ્યું છે. ત્યારે શાળા શરૂ થતાની સાથે જ સફાઇ કામગીરી હાથ ધરવામાં આવતી હોય છે. ક્યાંક સફાઇ કર્મીઓ સફાઇ કરે છે, ક્યાંક વિદ્યાર્થીઓ પણ સફાઇ કરે છે, ત્યારે અમદાવાદમાં DEOએ સફાઇ કરી હતી.
સફાઈ કરતા DEO રાકેશ વ્યાસનો વીડિયો વાયરલ
શાળાઓ ચાલુ થાય તે પહેલા સ્કૂલમાં સફાઈ
DEOએ શિક્ષકોને પણ સફાઈમાં જોડાવા કરી અપીલ
અમદાવાદ ગ્રામ્યના DEO રાકેશ વ્યાસેનો સ્કૂલમાં સાફ સફાઇ કરતો વીડિયો વાયરલ થયો છે. શાળાઓ ચાલુ થાય તે પહેલા DEO દ્વારા જાતે સ્કૂલમાં સાફસફાઇ કરવામાં આવી છે. તો સાથે DEOએ શિક્ષકોને પણ સાફસફાઈમાં જોડાવા અપીલ કરી છે. 21 દિવસથી બંધ સ્કૂલમાં આવતા વિદ્યાર્થીઓ બીમાર ન પડે તે માટે સફાઇ કરવામાં આવી. આવતીકાલથી સ્કૂલો શરૂ થઇ રહી છે.
અમદાવાદના DEO રાકેશ વ્યાસને VTVGujarat.comના અભિનંદન. ઉચ્ચ અધિકારીની આ પહેલ વખાણવાલાયક છે. અમદાવાદના DEO કામચોર કર્મચારીઓને રસ્તો બતાવ્યો છે. જ્યારે ઉચ્ચ અધિકારીઓ સફાઈમાં લાગી જાય ત્યારે બદલાવ આવે. કોઈ કામ નીચું નથી હોતું તે રાકેશ વ્યાસ પાસેથી શિખો. શિક્ષણના ધામમાં જ્યારે કામની મહત્તા સમજશો તો શિખવશો. બાળકોને આચરણના પાઠ ભણાવવા ઉચ્ચ અધિકારીની સફાઈ. શિક્ષકોને પણ નવી રાહ ચિંધતા અમદાવાદના અધિકારી. શિક્ષણમાં નવો ચીલો ચાતરતા અમદાવાદના DEOએ સરાહનીય કાર્ય કર્યું. સફાઈ કરવી તેને હલકું કામ ગણતા લોકોને પદાર્થપાઠ ભણાવ્યો છે.