Paytm KYCના નામે છેતરપિંડી આચરતી જામતારાની ગેંગનો અમદાવાદ સાયબર ક્રાઈમે પર્દાફાશ કર્યો છે. અમદાવાદના વકીલ ધવલ નાણાવટી પાસેથી આરોપીઓએ 11 લાખ રૂપિયા પડાવી લીધા હતા. જે ગુનામાં સાયબર ક્રાઈમે ચાર આરોપીને ઝડપી લીધા છે. જોકે ગુજરાત પોલીસ સાઇબર ક્રાઇમનો ગઢ ગણાતા ઝારખંડના જામતારામાં ઘુસીને KYCના નામે લૂંટતી ગેંગને ખેંચી લાવી છે. તો બીજી તરફ જામતારામાં હજી સર્ચ ઓપરેશન ચાલુ છે.
અમદાવાદના એડવોકેટના પુત્ર સાથે KYCના નામે 11 લાખની છેતરપિંડી થઇ હતી
ઝારખંડની ગેંગને ગુજરાત પોલીસ ખેંચી લાવી
સાયબર ક્રાઈમે ચાર આરોપીને ઝડપી લીધા
અમદાવાદ સાયબર ક્રાઈમે પહેલીવાર ઝારખંડના જામતારામાં ઓપરેશન કર્યું હતું. Paytmની KYC અપડેટ કરવાની છેતરપિંડીના તાર ફરી જામતારા સુધી પહોંચ્યા હતા. જાણીતા એડવોકેટના પુત્ર સાથે જામતારાની ગેંગ Paytmની KYC અપડેટ કરવાના નામે રૂ.11 લાખ પડાવ્યા. સાયબર ક્રાઈમમા ગુનો નોંધાતા તપાસમાં જામતારા ગેંગ ખુલતા સાયબર ક્રાઈમની ટીમ ઝારખંડના જામતારા પહોંચી અને ગેંગના આરોપી સુધી પહોંચી. સાયબર ક્રાઈમે શિવકુમાર ગુપ્તા અને ગૌસુલવરા અંસારીની ધરપકડ કરી છે. જોકે તેની તપાસમા જામતારાના વધુ બે આરોપી અજય મંડલ અને કુંદન કુમારનુ નામ ખુલતા સાયબર ક્રાઈમે જામતારામાંથી બન્નેની અટકાયત કરી છે. ત્યાંના અન્ય આરોપીની શોધખોળ હાથ ધરી છે. મહત્વનુ છે કે આ જામતારાની ગેંગ ગુજરાતમા અંસખ્ય ગુનાને અંજામ આપ્યો છે.
કેવી રીતે આચરતા હતા ગુનો?
ઝડપાયેલા આરોપી અજય મંડલ અને તેનો સાગરીત ગોવિંદ મંડલ બ્લકમાં મેસેજ કરાવતા. ત્યારબાદ Paytmની વિગતો મેળવી kyc અપડેટનુ જણાવી છેતરપિંડી કરતા હતા. આ છેતરપિંડીના નાણાથી શિવમ ગુપ્તા 5 ટકાના કમિશન મેળવી એમેઝોન ગિફ્ટ વાઉચરની ખરીદી કરીને તેને રોકડમાં કનવર્ટ કરતા હતા. આ ઉપરાંત અન્ય આરોપી ગૌસુલવરા ઓનલાઈન બિલ પે. રિચાર્જ કરી રૂપિયા રોકડ મેળવતો હતો. બાદમાં રોકડ અજય મંડલને મોકલી આપતો હતો.
જામતારા ગામ નક્સલવાદી વિસ્તારમાં આવેલુ છે
મહત્વની વાત એ છે જામતારા ગામ નક્સલવાદી વિસ્તારમાં આવેલુ છે. જેથી પોલીસની ટીમો પણ ત્યાં વેશપલટો કરી આરોપી સુધી પહોંચી હતી. પરંતુ પોલીસ હવે તે વાતની તપાસ કરી રહી છે કે જામતારાની ગેંગનો અમદાવાદના આરોપી સાથે સંપર્ક કેવી રીતે થયો. ઉપરાંત અન્ય કેટલા લોકો સાથે છેતરપિંડી કરી છે. આ મુદ્દે આરોપીઓની પુછપરછ કરવામા આવી રહી છે.