અમદાવાદ / ગુજરાતમાંથી એવા 2 ચોર ઝડપાયા જે ચોરી કરવા માટે વિમાનમાં કરતા હતા મુસાફરી

• દેશભરમાં ચોરીની અનેક ઘટનાને અંજામ આપતા 2 ચોરની ધરપકડ
• કાલુપુરમાં થોડા દિવસ પહેલા 21 દુકાનોમાં તૂટ્યા હતા તાળા
• ચોરી કરવા માટે વિમાન કરતા મુસાફરી 

કાલુપુરના ચોખા બજારમાં થોડાક દિવસો પહેલા એક સાથે 21 દુકાનોના તાળા તૂટ્યા હતા જેમાં તસ્કરોએ ત્રણ લાખ રુપિયાની ચોરી કરી હતી. મોડીરાત્રે થયેલી આ ઘટનાથી કાલુપુર સહિત સમગ્ર વિસ્તારમાં ચકચારમચી ગઇ હતી. 

21 દુકાનોના તાળા તોડીને ચોરી કરનાર બે ઝડપાયા

દરિયાપુર પોલીસ સ્ટેશનથી વોકીગ ડીસન્ટસ પર બનેલી આ ઘટનાનો ભેદ ઉકેલવા માટે સ્થાનિક પોલીસ સહિત ક્રાઇમબ્રાંચની ટીમ તપાસ શરુ કરી હતી. તપાસ કરતા ક્રાઇમબ્રાંચને ચોરીના સીસીટીવી ફુટેજ મળ્યા હતા જેમાં બે યુવકોએ ચોરી કરી હોવાનું સામે આવ્યુ હતું.

ક્રાઇમબ્રાંચે બાતમીદારોને કર્યાં એક્ટીવ

ક્રાઇમબ્રાંચે તેમના બાતમીદારો એક્ટીવ કર્યા હતા જેમાં તેમને બે શંકમદોની લોંખડનું ખાતરીયુ અને રોક્ડ સાથે અટકાયત કરી હતી. ક્રાઇમબ્રાંચે હાકમ રુસ્તમ કઠાત (રહે રાજસ્થાન) અને એમ.બી.શીવા (રહે બેંગલોર)ની પુછપરછ કરતા તેમને કાલુપુર ચોખા બજારમાં ચોરી કરી હોવાની કબુલાત કરી હતી. 

દેશભરમાં ચોરીને આપતા હતા અંજામ

પોલીસે બન્ને જણાની ધરપકડ કરીને સધન પૂછપરછ કરી તો તેમને જાણવા મળ્યુ હતુંકે બન્ને આરોપીઓ અમદાવાદ સહિત અલગ અલગ રાજ્યોમાં જઇને ચોરીની ધટનાને અંજામ આપી ચુક્યા છે. બન્ને આરોપીઓ પૌકી શીવા બેંગલોર, તેલંગણા, આંધ્રપ્રદેશ, આસામ, મહારાષ્ટ્રમાં ચોરી કરી ચુક્યો છે. બન્ને આરોપીઓ ચોરી એક રાજ્ય થી બીજા રાજ્યમાં ચોરી કરવા માટે વિમાનમાં મુસાફરી કરતા હતા અને બોગસ આઇડીના આધારે હોટલ બુક કરતા હતા. ટ્રાગેટની જગ્યા પર રેકી કરીને મોડીરાત્રે ચોરી કરતા હતા અને બીજા દિવસે હોટલ ખાલીને કરીને જતા રહેતા હતા.