અમદાવાદના સરખેજમાંથી અઢી વર્ષની બાળકીનું અપહરણ કરીને દુષ્કર્મ આચરનાર આરોપીની અમદાવાદ ક્રાઇમ બ્રાન્ચ ધરપકડ કરી છે. સીસીટીવી ફૂટેજ અને સર્વેલન્સના આધારે આરોપી ઝડપાયો છે. પૂછપરછમાં આરોપીએ જણાવ્યું કે, તે સિક્યોરિટી સુપરવાઇઝર તરીકે નોકરી કરતો હતો. બાળકીના ઘર પાસે રહેલા ગાર્ડને ચેક કરવા જતા તે બાળકીને જોઇ ગયો હતો. બાદમાં બિસ્કિટ ખવડાવવાના બહાને બાળકીનું અપહરણ કરીને દુષ્કર્મ આચર્યું હતું.
બાળકીને બિસ્કિટ ખવડાવવાની લાલચે કર્યુ હતુ અપહરણ
અપહરણ બાદ દુષ્કર્મ આચરી બાળકીને મુકી ગયો હતો
ક્રાઇમ બ્રાન્ચ અને સ્થાનિક પોલીસે CCTVના આધારે આરોપી ની ઓળખ મેળવી
અમદાવાદના સરખેજ વિસ્તારમાં અઢી વર્ષની બાળકી સાથે દુષ્કર્મના આરોપીની પોલીસે ધરપકડ કરી છે. પોલીસે મુખ્ય આરોપી રાધેશ્યામ મિશ્રાની ધરપકડ કરી છે. આરોપીએ બાળકીને બિસ્કીટ ખવડાવીને અપહરણ કર્યુ હતું. અપહરણ અને દુષ્કર્મ બાદ આરોપી બાળકીને મુકીને ગયો હતો.આ ઘટના બાદ પોલીસ અને ક્રાઈમ બ્રાંચની ટીમ દ્વારા આરોપીની શોધખોળ શરૂ કરવામાં આવી હતી. CCTVના આધારે આરોપીને પોલીસે ઝડપી પાડ્યો હતો. બાઈકના નંબર અને સર્વેલન્સના આધારે આરોપીને શોધવામાં પોલીસને મદદ મળી હતી. દુષ્કર્મનો આરોપી સિક્યુરિટી ગાર્ડના સુપરવાઇઝર ફરજ બજાવે છે.
બિસ્કિટની લાલચ આપીને ઉઠાવી ગયો
આરોપી બપોરે ત્રણ વાગ્યે મજૂર પરિવારની દીકરીને બિસ્કિટની લાલચ આપીને નરાધમ ઉઠાવી ગયો હતો. આરોપી આ અઢી વર્ષની બાળકીને લઈને જુદા-જુદા વિસ્તારમાં ગયો હોવાનું સામે આવ્યુ છે. બાળકીને સરખેજ, હેબતપુર અને બાવળા વિસ્તારના 25 કિલોમીટર સુધી બાળકીને બાઈક પર ફેરવી હતી. અપહરણ બાદ આરોપી બીજા દિવસે સવારે 5 વાગ્યે બાળકીને ઘર નજીક મુકીને ગયો હતો. ત્યારે હવે પોલીસે આરોપીની ધરપકડ કરીને કાર્યવાહી હાથધરી છે
આરોપી પરણિત છે, 3 બાળકો પણ છે
આરોપી સરખેજ અને બાવળા પાસે આવેલી એક ઓરડીમાં રહે છે. આરોપી રાધેશ્યામ મિશ્રા ઉત્તરપ્રદેશનો રહેવાસી છે. સિક્યુરિટીના સુપરવાઇઝર તરીકે ફરજ બજાવે છે. બે સિક્યુરિટી ગાર્ડને મુકવા માટે ગયો હતો. આરોપી પરણિત છે. 12 વર્ષની દીકરી સહિત 3 બાળકો છે.
બિલ્ડિંગની છત પર લઇ જઇ આચર્યું દુષ્કર્મ
નરાધમ રાધેશ્યામ મિશ્રા બાળકીને જ્યાં નોકરી કરતો હતો કે જ બિલ્ડિંગની છત પર લઇ જઇ દુષ્કર્મ આચર્યું હતું. બાળકી ઘરેથી ગઇ ત્યારે હસતી-રમતી હતી અને આવી ત્યારે પણ હસ્તી-રમતી જ આવી હતી. પરંતુ ડૉક્ટરોએ આપેલા મેડિકલ રિપોર્ટમાં બાળકી સાથે સેક્સુઅલ એસોર્ટ થયો હોવાનો ઘટસ્ફોટ થયો હતો.