ફરિયાદ / અમદાવાદમાં શ્રેય હોસ્પિટલ અગ્નિકાંડ મામલો: નવરંગપુરા પોલીસે ફરિયાદ દાખલ કરી, મુખ્ય સંચાલક સામે કાર્યવાહી

• અમદાવાદમાં શ્રેય હોસ્પિટલ અગ્નિકાંડ મામલો
• હોસ્પિટલ અગ્નિકાંડ નવરંગપુરા પોલીસે FIR કરી દાખલ
• FSLના રિપોર્ટના આધારે ગુનો દાખલ કરાયો

શ્રેય હોસ્પિટલમાં દીવાલો ફિટ કરવાથી આગનો ધુમાડો બહાર નીકળી શક્યો ન હતો. અને ફાયર NOC ન હોવાના કારણે ફાયર ઓડિટ થઈ શક્યું નહીં. ઉપરાંત ફાયર એલાર્મ પણ ન હોવાથી આગના કારણે લોકોના જીવ ગયા હોવાનું સામે આવ્યું છે. અને શ્રેય હોસ્પિટલમાં 86 ટકા ભાગ ભરત મહંતનો હોવાથી પોલીસે તેમની સામે ગુનો નોંધ્યો છે.

મુખ્ય સંચાલક સામે નોંધાઇ ફરિયાદ

• દીવાલો ફિટ કરવાથી આગનો ધુમાડો બહાર નીકળી શક્યો ન હતો
• ફાયર NOC ન હોવાના કારણે ફાયર ઓડિટ થઈ શક્યું નહીં
• ફાયર એલાર્મ પણ ન હોવાથી આગના કારણે લોકોના જીવ ગયા
• બેદરકારી, 336, 337, 338, 304 મુજબ ગુનો દાખલ

અમદાવાદની શ્રેય હોસ્પિટલમાં આગ લાગવાની આ સમગ્ર ઘટનાક્રમની તપાસ માટે ગૃહ વિભાગના અધિક મુખ્ય સચિવ સંગીતાસિંહ અને શહેરી વિકાસના અધિક મુખ્ય સચિવ મુકેશ પુરીની નિયુક્તિ કરાઇ હતી.

મુખ્યમંત્રીએ આ બે વરિષ્ઠ અધિક મુખ્ય સચિવશ્રીઓને તેમની તપાસનો અહેવાલ 3 દિવસમાં રાજ્ય સરકારને આપવાની સ્પષ્ટ સૂચનાઓ પણ આપી હતી. તો આ વરિષ્ઠ અધિક મુખ્ય સચિવશ્રીઓ દ્વારા અમદાવાદ મહાપાલિકા, FSL, ઇલેક્ટ્રિકલ ઇન્સ્પેક્ટર, ફાયર બ્રિગેડ તેમજ પોલીસની કામગીરીના અહેવાલો મંગાવવામાં આવ્યા હતા. ત્યારબાદ  સોમવાર  આ બન્ને અધિકારીઓએ તેમનો તપાસ અહેવાલ રાજ્ય સરકારને સોંપ્યો હતો.

આ અહેવાલ જણાવાયું છે કે પ્રાથમિક રીતે ઇલેક્ટ્રિકલ તબીબી ઉપકરણમાં આગ લાગવાથી આ ઘટના બની હતી. આ એક પ્રકારની એક્સિડેન્ટલ ફાયર છે જે અંદાજે ત્રણ મિનિટમાં ICUમાં પ્રસરી ગઈ છે.

આ સમગ્ર ઘટનાને લઈને વરિષ્ઠ અધિક મુખ્ય સચિવઓએ મુખ્યમંત્રીને સોંપેલા તપાસ અહેવાલ બાદ કોઈ પણ પ્રકારની ન્યાયિક બાબત છૂટી ન જાય કે કોઈપણ કસૂરવાર છટકી ન જાય તે હેતુસર સમગ્ર ઘટનાની ખૂબ જ ઝીણવટપૂર્વક તપાસ થાય તે માટે નિવૃત્ત હાઇકોર્ટ જજની અધ્યક્ષતામાં તપાસ પંચને જ્યુડિશિયલ ઇન્કવાયરી સોંપવાનો નિર્ણય કર્યો છે.

આ ઘટના અંગે પોલીસ દ્વારા પણ ઝડપથી FIRની કાર્યવાહી કરવામાં આવે તેવા સ્પષ્ટ આદેશો પણ આજ રોજ રાજ્ય સરકારે આપ્યા છે. આ અંગે ગૃહરાજ્ય મંત્રી પ્રદિપસિંહ જાડેજાએ જણાવ્યું હતુ.