ફરિયાદ / શ્રેય હોસ્પિ અગ્નિકાંડ : મૃતકોના પરિવારજનોનો પ્રશ્ન, ડેથ સર્ટિફિકેટમાં મોતનું કારણ કોરોના કેમ?

• અમદાવાદની શ્રેય હોસ્પિટલમાં અગ્નિકાંડનો મામલો
• ધોળકાના એક જ પરિવારના 2 લોકોના થયા હતા મૃત્યુ
• મૃતકોના પરિવારજનનો જણાવી આપવીતી

અમદાવાદની શ્રેય હોસ્પિટલમાં અગ્નિકાંડના ઘા હજુ રૂઝાયા નથી. ત્યાં હોસ્પિટલે અગ્નિકાંડમાં મૃત્યુ પામેલા લોકોને ઓન પેપર કોરોનાથી મૃત્યુ થયાનું  લખાણ આપતા મૃતકોના પરિવારની ચિંતામાં વધારો થયો છે.

શ્રેય હોસ્પિટલમાં લાગેલી આગમાં ધોળકાના એક જ પરિવારના 2 લોકોના મૃત્યું થયા હતા. આ મૃતકોના પરિવારજનનો પોતાની આપવીતી જણાવી છે. સ્વજન ગુમાવ્યા બાદ મૃતકના પરિજનોની હાલત ખરાબ થઇ ગઇ છે. ઓન પેપર કોરોનાથી મૃત્યુ થયાનું લખાણ આપતા પરિવાર ચિંતામાં મુકાયો છે. ઇન્સ્યોરન્સના રૂપિયા ન મળતા પરિવાર ચિંતામાં મુકાયો છે. સમગ્ર મામલે પરિવારે મદદ માંગી છે..

સળગતા સવાલ

• અગ્નિકાંડના ઘા રૂઝાયા નથી ત્યારે આ આપવીતી કોણ સમજશે?
• હોસ્પિટલે કયા આધારે કાગળ ઉપર કોરોનાથી મૃત્યુનું લખાણ કર્યું?
• અગ્નિકાંડ નજર સામે છે છતા ઢાંકપીછોડો?
• પરિવાર પર બેવડો વજ્રઘાત થયો તેના માટે જવાબદાર કોણ?
• નિંભર તંત્રને કોણ જગાડશે?