રાજ્યમાં કોરોનાની રફ્તાર દિવસેને દિવસે વધી રહી છે. રાજ્યમાં ગઇકાલે એક જ દિવસમાં નવા 1081 કોરોના પોઝિટિવ કેસ નોંધાયા હતા. ત્યારે હવે આ કોરોનાના કહેરની ઝપેટમાં રાજકીય નેતાઓ પણ આવી રહ્યા છે. અમદાવાદના AMCના વધુ એક કોર્પોરેટર કોરોનાની ઝપેટમાં આવ્યા છે. કાલુપુરના કોર્પોરેટર કૃષ્ણવદન બ્રહ્મભટ્ટને કોરોના પોઝિટિવ આવ્યો હતો. જેથી હાલ કોર્પોરેટરને SVP ખાતે સારવાર માટે ખસેડાયા હતા.
AMCના વધુ એક કોર્પોરેટર કોરોનાની ઝપેટ
રાધનપુરના ધારાસભ્ય કોરોના પોઝિટિવ
કેતન ઇનામદારનો પરિવાર કોરોનાની ઝપેટમાં
ગઇકાલે રાજ્યમાં એક જ દિવસમાં કોરોનાના 1081 કોરોના પોઝિટિવ આવતા કુલ આંકડો 54712 પર પહોંચ્યો છે. 22 લોકોના મૃત્યુ થયા હતા. જ્યારે કોરોનાને મ્હાત આપીને આજે 782 દર્દીઓ સાજા થયા હતા. રાજ્યમાં હાલ 12 હજાર 795 એક્ટિવ કેસ છે. જેમાંથી 87 દર્દી વૅન્ટિલેટર પર છે અને 12 હજાર 708 દર્દીની હાલત સ્થિર છે. અત્યાર સુધીમાં કુલ 39 હજાર 612 લોકો સાજા થયા છે. કોરોનાથી રાજ્યમાં કુલ 2 હજાર 305 લોકોના મૃત્યુ થયા છે.
રાધનપુરના ધારાસભ્ય કોરોના પોઝિટિવ
ગઇકાલે કોંગ્રેસના વધુ એક ધારાસભ્ય કોરોના પોઝિટિવ આવ્યો હતો. રાધનપુર કોંગ્રેસના ધારાસભ્ય રઘુ દેસાઈનો કોરોના પોઝિટિવ પણ પોઝિટિવ આવ્યો હતો.
કેતન ઇનામદારનો પરિવાર કોરોનાની ઝપેટમાં
વડોદરાના ધારાસભ્ય કેતન ઇનામદારનો પરિવાર કોરોનાની ઝપેટમાં આવ્યો છે. ધારાસભ્ય બાદ ઘરના 5 સભ્યોનો રિપોર્ટ પણ પોઝિટિવ આવ્યો છે. કેતન ઇનામદારના ડ્રાઈવરનો રિપોર્ટ પણ પોઝિટિવ આવ્યો છે. ધારાસભ્યના અને તેમના ભાઇના દીકરા, ભાભી, અને ભાણેજને કોરોના પોઝિટિવ આવ્યા છે.