ભંગ / લોકડાઉન હોવા છતાં અમદાવાદના આ વિસ્તારોમાં જોવા મળી લોકોની ભીડ

• અમદાવાદમાં ખુલ્લેઆમ લોકડાઉનનો થઈ રહ્યો છે ભંગ
• લોકડાઉન હોવા છતા અમદાવાદના CTMમાં લોકોની ભીડ
• અમદાવાદના કોટ વિસ્તારમાં લોકડાઉનનું નથી થઈ રહ્યું પાલન

લોકડાઉન વચ્ચે વહેલી સવારે લોકો મોર્નિંગ વોક અને રનિંગ કરવા માટે રસ્તા પર નિકળ્યા હતા. સરકારના અભિયાન બાદ પણ લોકોમાં જાગૃતતાનો અભાવ જોવા મળી રહ્યો છે. કોરોનાના કહેરને લઈને સરકાર દ્વારા લોકડાઉન જાહેર કરાયું છે. લોકોની સાવચેતીના ભાગરૂપે પગલા લેવામાં આવ્યા બાદ પણ પાલન કરવામાં આવતુ નથી.
 

અમદાવાદના કોટ વિસ્તારમાં પણ લોકડાઉનનું લોકો પાલન કરતા નથી. તંત્ર દ્વારા જાહેર કરેલા ક્લસ્ટર વિસ્તારમાં સવારથી વાહનોની ભીડ જોવા મળી. ક્લસ્ટર વિસ્તારના એન્ટ્રી અને એક્ઝિટ પોઈન્ટ પર પોલીસનો બંદોબસ્ત હોવા છતા લોકો ઘરની બહાર નિકળી રહ્યા છે.

બહાર નિકળતા લોકોનું આરોગ્યની ટીમ દ્વારા થર્મલથી ચેકિંગ કરવામાં આવે છે. મહત્વનું છે કે, અમદાવાદના કોટ વિસ્તારમાં કોરોનાના વધુ કેસ નોંધાતા તંત્ર દ્વારા ક્લસ્ટર જાહેર કરાયું. ક્લસ્ટર જાહેર કર્યા બાદ પણ લોકોએ ઘરથી બહાર નિકળવાનું બંધ કર્યુ નથી.