ગુજરાતમાં હાલ કોરોનાની બીજી લહેર જોવા મળી રહી હોય તેવું લાગી રહ્યું છે. હાલ રાજ્યમાં કોરોનાના પોઝિટિવ કેસોમાં સતત વધારો થઇ રહ્યો છે. ત્યારે અમદાવાદ શહેર ફરી એખ વખત કોરોનાનું હોટસ્પોટ બની રહ્યું હોય તેવું જોવા મળી રહ્યું છે. શહેરમાં અત્યાર સુધીના એક દિવસનો સૌથી વધુ આંકડો સામે આવ્યો છે. ગઇકાલે શહેરમાં 349 કોરોના પોઝિટિવ કેસ નોંધાતા તંત્ર હરકતમાં જોવા મળી રહ્યું છે.
અમદાવાદમાં કોરોના કેસમાં મોટો ઉછાળો
એક દિવસમાં સૌથી વધુ 349 કેસ નોંધાયા
અત્યાર સુધીના સૌથી વધુ એક દિવસના નોંધાયા કેસ
અમદાવાદ શહેરમાં હાલ કોરોના બેકાબુ જોવા મળી રહ્યો છે. ગઇકાલે 349 કોરોના પોઝિટિવ કેસ સામે આવ્યાં છે. શહેરમાં એપ્રિલ-મે મહિના કરતા પણ ગંભીર સ્થિતિ જોવા મળી રહી છે. શહેરમાં કોરોના મૃત્યુદરમાં ભયજનક પરિસ્થિતિ જોવા મળી રહી છે. ગઇકાલે કોરોનાથી 10 લોકોના મૃત્યું થયા હતા.
કોરોનાને લઇને અત્યાર સુધી અમદાવાદમાં જ 2002 લોકોના મૃત્યું થયા છે. સમગ્ર રાજ્યમાં મૃત્યુમાં અમદાવાદનો બે તૃતિયાંશ ભાગ છે. રાજ્યમાં કુલ મૃત્યુંમાં 65 ટકા મૃત્યું થયા છે. છેલ્લા એક અઠવાડિયામાં 83 લોકોના મૃત્યું થતા તંત્ર હરકતમાં જોવા મળી રહ્યું છે.
ગુજરાતમાં આજે સૌથી વધુ 1540 કોરોનાના નવા કેસ નોંધાયા
દિવાળીના તહેવારો બાદ ગુજરાતમાં કોરોનાના કેસમાં મોટા પાયે ઉછાળો જોવા મળી રહ્યો છે. ખાસ કરીને સ્થિતિ પશ્ચિમ વિસ્તારમાં વધુ વણસી છે કારણ કે, શહેરના મોટાભાગના કેસ અહીં નોંધાયા છે. ત્યારે આજરોજ રાજ્ય સરકારના આરોગ્ય વિભાગ દ્વારા જાહેર કરવામાં આવેલ કોરોનાના આંકડા પ્રમાણે છેલ્લા 24 કલાક દરમિયાન રાજ્યમાં 1540 કેસ નોંધાયા છે.
14 લોકોના સારવાર દરમિયાન થયાં મોત
નોંધનીય છે કે, કોરોના વાયરસના નવા કેસની સામે આજે 1283 દર્દીઓ સાજા થતા કુલ સાજા થયેલા દર્દીઓનો આંકડો 2,01,949 પર પહોંચ્યો છે. આજે 14 દર્દીઓના કોરોનાને કારણે મોત થતાં કુલ મૃત્યુઆંક 3906 પર પહોંચ્યો છે.
રાજ્યમાં હાલમાં 14287 એક્ટિવ કેસ
ઉલ્લેખનીય છે કે, રાજ્યમાં હાલમાં 14287 એક્ટિવ કેસ છે. રાજ્યમાં રિકવરી રેટ 99.99 ટકા થયો છે. તો ગુજરાતમાં કોરોના વાયરસના ટેસ્ટ વધારવા માટે સતત પ્રયાસ કરવામાં આવી રહ્યો છે ત્યારે રાજ્યમાં આજે કુલ 91,469 નવા ટેસ્ટ કરવામાં આવ્યા છે. જેને લઇને કુલ ટેસ્ટનો આંકડો 7,480,789 પર પહોંચ્યો છે.
અમદાવાદ જિલ્લામાં 349 કેસ આવતા ચિંતા વધી
આજે અમદાવાદ શહેરમાં 326, અમદાવાદ જિલ્લામાં 23, સુરત શહેરમાં 221, સુરત જિલ્લામાં 56, વડોદરા શહેરમાં 128, વડોદરા જિલ્લામાં 41 , રાજકોટ શહેરમાં 69, રાજકોટ જિલ્લામાં 58,ગાંધીનગર શહેરમાં 42, ગાંધીનગર જિલ્લામાં 39 કોરોનાના કેસ નોંધાયા છે.