અમદાવાદ ભુયંગદેવ ચાર રસ્તા નજીક એવીઓન કીડની હોસ્પિટલમાં ઓક્સિજનનો જથ્થો ખૂટ્યો, હાલ હોસ્પિટલમાં કોરોનાના 10 દર્દીઓ સારવાર હેઠળ
અમદાવાદમાં કોરોનાના વધતા સંક્રમણ વચ્ચે વધુ એક આફત
ખાનગી હોસ્પિટલમાં હવે ઓક્સીજનનો જથ્થો ખુટ્યો
ભુયંગદેવ ચાર રસ્તા એવીઓન કીડની હોસ્પિટલમાં જથ્થો ખુટ્યો
અમદાવાદમાં કોરોનાના વધતા સંક્રમણ વચ્ચે વધુ એક આફત આવી છે. ખાનગી હોસ્પિટલમાં હવે ઓક્સીજનનો જથ્થો ખુટી રહ્યા છે. ભુયંગદેવ ચાર રસ્તા નજીક એવીઓન કીડની હોસ્પિટલમાં ઓક્સિજનનો જથ્થો ખૂટ્યો છે. હાલ હોસ્પિટલમાં કોરોનાના 10 દર્દીઓ સારવાર હેઠળ છે. 2 દર્દીની તબિયત ક્રિટિકલ હોવાની પણ વાત સામે આવી છે. એક દર્દીનું નિધન થતા પરિવારે ઓક્સિજનની અછતને જવાબદાર કારણ ગણાવ્યું હતું.
મધ્યપ્રદેશ સરકારે પણ ગુજરાતની માગી મદદ
ગુજરાત જેવી જ પરિસ્થિત મધ્યપ્રદેશમાં પણ છે. કોરોના સંક્રમણને લઇ મધ્યપ્રદેશ સરકાર પણ ચિંતિત બની છે. મધ્યપ્રદેશ સરકારે ગુજરાત સરકાર પાસે મદદ માગી રહી છે. મધ્યપ્રદેશ સરકારે ઓક્સિજનની માગણી કરી છે. જો કે, ખુદ ગુજરાત પણ ઓક્સિજનની અછત વચ્ચેથી પસાર થઈ રહ્યું છે.
મહેસાણામાં પણ ઓક્સિજન સિલિન્ડરનો વપરાશ વધ્યો છે. કોરોનાના દર્દીઓ વધતા ઓક્સિજનનો વપરાશ વધી રહ્યો છે. ખાનગી હોસ્પિટલોમાં રોજના 700 સિલિન્ડરોનો વપરાશ વધી રહ્યો છે. 10 દિવસ પહેલા રોજની 100 સિલિન્ડરોની ખપત હતી. હાલમાં 15 જેટલી ખાનગી હોસ્પિટલમાં દર્દીઓ સારવાર લઈ રહ્યા છે.