બેદરકારી / અમદાવાદમાં કોરોના ડ્યૂટી નિભાવી રહેલા મેડિકલ વિદ્યાર્થીઓને 66 દિવસથી નથી મળ્યુ સ્ટાઈપેન્ડ

• કોરોના ડ્યુટી પર રહેલા વિદ્યાર્થીઓમાં રોષ 
• મેડિકલ વિદ્યાર્થીઓને સ્ટાઇપેન્ડ અપાયું નથી
• 4 કરોડનું સ્ટાઇપેન્ડ આપવાનું બાકી

1200થી વધુ મેડિકલ વિદ્યાર્થીઓને સ્ટાઇપેન્ડ અપાયું નથી. કોર્પોરેશન દ્વારા 4 કરોડનું સ્ટાઇપેન્ડ આપવાનું બાકી છે. પ્રતિદિન 500 રૂપિયા સ્ટાઇપેન્ડ આપવાનું હોય છે . અગાઉ 9 ઓગસ્ટ સુધીનું સ્ટાઇપેન્ડ અપાયું હતું. 

રાજ્યમાં છેલ્લા 24 કલાકમાં 51,215 કોરોનાના ટેસ્ટ કરવામાં આવ્યા જેમાંથી 1185 કોરોના વાયરસના પોઝિટિવ કેસ નોંધાયા છે. જેને લઇને કુલ આંકડો 1,56,283  પર પહોંચ્યો છે. મહત્વનું છે કે રાજ્યમાં રિકવરી રેટ વધીને 88.22 ટકા થયો છે. 

આજે 1329  દર્દીઓ થયાં સાજા

આજે 1329 દર્દીઓ સાજા થતા કુલ સાજા થયેલા દર્દીઓનો આંકડો 1,37,870 પર પહોંચ્યો છે. આજે 11 દર્દીઓના મોત થતા કુલ મૃત્યુઆંક 3,609 પર પહોંચ્યો છે. જ્યારે એક્ટિવ કેસ 14,804 છે. જેમાં અમદાવાદ, સુરત, રાજકોટ, મહેસાણા, ગાંધીનગર, કચ્છ અને વડોદરામાં સૌથી વધુ એક્ટિવ કેસ છે. તો અત્યાર સુધીમાં રાજ્યમાં કુલ 52,16,885 ટેસ્ટ કરવામાં આવ્યા છે. 

આ 7 જિલ્લામાં કુલ 11 દર્દીઓના મોત

આજે કોરોના વાયરસે 11 દર્દીઓનો ભોગ લીધો છે. જેમાં અમદાવાદમાં 4, સુરતમાં 2, ગાંધીનગરમાં 1, મહીસાગરમાં 1, પાટણ 1, વડોદરામાં 1 અને તાપીમાં 1 દર્દીનું સારવાર દરમિયાન મોત થયું છે.

આ 5 મહાનગરોમાં ચિંતાજનક કેસ

રાજ્યમાં સૌથી વધુ સુરત, અમદાવાદ, રાજકોટ, વડોદરા અને જામનગરમાં સૌથી વધુ કોરોનાના કેસ નોંધાઇ રહ્યા છે. જેમાં આજે સુરતમાં 249, અમદાવાદમાં 186, રાજકોટમાં 109, વડોદરામાં 117 અને જામનગરમાં 85 કોરોનાના કેસ નોંધાયા છે. 

ગુજરાતના વિવિધ જિલ્લામાં છેલ્લા 24 કલાકમાં નોંધાયેલા કેસની વિગત