ગુજરાતના અડધા ઉપરના કેસ અમદાવાદ શહેરમાંથી આવતા હવે AMC હરકતમાં આવ્યું છે. આજે મળેલી બેઠક બાદ કમિશનર લોચન શહેરાએ કોરોનાને લઈ તૈયારીઓ બાબતે માહિતી આપી છે.
અમદાવાદ મનપા કમિશનરની પત્રકાર પરિષદ
શહેરમાં માઈક્રો કન્ટેઇનમેન્ટ ઝોન પણ વધ્યા છે
એક સપ્તાહમાં શહેરમાં 10 ગણા કેસ વધ્યા: કમિશનર લોચન શહેરા
અમદાવાદમાં કોરોના મુદ્દે રિવરફ્રન્ટ હાઉસ ખાતે હાઇલેવલ બેઠક મળી હતી. જેમાં મનપા કમિશનર, મેયર, સ્ટેન્ડિંગ કમિટીના ચેરમેન ઉપસ્થિત રહ્યા હતા . જે બાદ પ્રેસ વાર્તા કરી કમિશનર લોચન શહેરા દ્વારા માહિતી આપવામાં આવી છે કે એક સપ્તાહમાં શહેરમાં 10 ગણા કેસ વધી ગયા છે. તેની સાથે શહેરમાં માઈક્રો કન્ટેઇનમેન્ટ ઝોન પણ વધ્યા છે. અમદાવાદમાં હાલ એક્ટિવ કેસ 5634 છે જેમાંથી 134 દર્દીઓ હોસ્પિટલમાં દાખલ થઈ સારવાર લઈ રહ્યા છે.
ટેસ્ટિંગની સંખ્યા વધારી
લોચન શહેરાએ વધુમાં માહિતી આપતા જણાવ્યું હતું કે ઓપીડી સારવાર આપવા ધનવંતરી રથ પહેલાની જેમ જ ચાલુ કરી દેવામાં આવ્યા છે. 97% દર્દીઓ હોમ ક્વોરન્ટાઈનમાં છે જેમની ઓપીડી સારવાર આ રથ દ્વારા કરવામાં આવી રહી છે. એક સપ્તાહ પહેલા દરરોજ 6 હજાર ટેસ્ટ થતા હતા જે હવે વધારીને ટેસ્ટિંગ ની સંખ્યા 14 હજાર કરવામાં આવી છે. જેની માટે જરૂરિયાત કીટો પણ પુરતી સંખ્યામાં AMC પાસે છે.
માઇક્રો કન્ટેઇનમેન્ટ ઝોનમાં કડક નિયંત્રણો લાગુ થશે
હાલ માસ્ક અને સોશિયલ ડિસ્ટન્સ માટે ડ્રાઇવ ચાલુ કરી દેવામાં આવી છે અમદાવાદમાં માઇક્રો કન્ટેઇનમેન્ટ ઝોન 100થી વધુ જાહેર થઈ ચૂક્યા છે, જેમાં નિયમ ભંગ બદલ કડક કાર્યવાહી કરવામાં આવશે. AMTS-BRTS 50% ની ક્ષમતા સાથે ચાલશે તેમજ ફલાવર શો પણ રદ કરવામાં આવ્યો છે
'પબ્લિક પ્લેસ પર નિયંત્રણ લવાશે'
આ ઉપરાંત મહત્વની બાબત પર પ્રકાશ પાડતા કમિશનર લોચન શહેરાએ કહ્યું હતું કે ઓક્સિજન બેડ સાથે તમામ તૈયારીઓ છે પણ હવે પબ્લિક પ્લેસ પર નિયંત્રણ મામલે નિર્ણય લેવામાં આવશે. બીજી લહેર મા 450 હોસ્પિટલ ડેજીગ્નેટેડ કરવામાં આવી હતી. હાલ 50 હોસ્પિટલમાં 4 હજાર બેડ રિઝર્વ રાખવામાં આવ્યા છે. જરૂરિયાત વધશે તેમ હોસ્પિટલ સાથે સંકલન કરી બેડ વધારવામાં આવશે. મનપા હોસ્પિટલમાં 2805 બેડ ઉપલબ્ધ છે.
10 દિવસમાં કેટલા કેસ?
27 ડિસેમ્બર
98
28 ડિસેમ્બર
178
29 ડિસેમ્બર
265
30 ડિસેમ્બર
269
31 ડિસેમ્બર
311
01 જાન્યુઆરી
559
02 જાન્યુઆરી
396
03 જાન્યુઆરી
631
04 જાન્યુઆરી
1290
05 જાન્યુઆરી
1637
હોસ્પિટલમાં કેવી છે તૈયારી?
કોરોના સંક્રમણ અને ઓમીક્રોન સામે લડવા તંત્ર સજ્જ બન્યું છે ..અમદાવાદ મ્યુનિસિપલ કોર્પોરેશન ની હેલ્થ કમિટી દ્વારા તમામ તૈયારી પૂર્ણ કરવામાં આવી છે. શહેરની કોર્પોરેશન સંચાલિત હોસ્પિટલ અને ડેઝીગનેટ હોસ્પિટલમાં દર્દી આવે તો સારી સારવાર મળે તે માટે ની તૈયારીઓ અને બેડ ઉભા કરવા નો નિર્ણય કરવામાં આવ્યો..તૈયારી ની વાત કરીયે તો એસ વી પી હોસ્પિટલ,શારદાબેન હોસ્પિટલ માં આઈ સી યુ અને ઓક્સિજન બેડ ફાળવી દેવામાં આવ્યા છે..જેમાં એસ વી પી હોસ્પિટલમાં 300 ICU અને 700 ઓક્સિજન બેડ ફાળવવા માં આવ્યા છે.જ્યારે શારદાબેન હોસ્પિટલમાં 70 ICU બેડ અને 100 ઓક્સિજન બેડ તૈયાર રાખવામાં આવશે.એલ જી હોસ્પિટલમાં 140 ICU બેડ અને 70પ ઓક્સિજન બેડ રાખવામાં આવશે. 35000 રેમડેસીવર ઇંજેક્શન સ્ટોકમાં છે સાથે જ RTPCR ની 12 હજાર અને રરેપીડ એન્ટીજનની 3 લાખ કિટો કોર્પોરેશન પાસે સ્ટોક માં છે.