નમસ્તે ટ્રમ્પ / કોંગ્રેસનો ટોણોઃ ગુજરાતનો વિકાસ કરવા ટ્રમ્પ પાસે આટલું કરાવો

• ટ્રમ્પના આગમનની તૈયારીઓ
• કોંગ્રેસ દ્વારા સંવિધાન બચાવો રેલીનું આયોજન
• ડોનાલ્ડ ટ્રમ્પને ગુજરાતમાં ફેરવો તો રાજ્યનો પણ વિકાસ થશેઃ સાતવ

સંવિધાન બચાવો રેલી યોજાઇ 

ગુજરાત પ્રદેશ કોંગ્રેસ સમિતિ દ્વારા આજે સવારે સારંગપુર સર્કલ પાસે અનામતની તરફેણમાં સંવિધાન બચાવો ધરણાં વિરોધ પ્રદર્શન બાદ રેલી કાઢી હતી. રાજીવ સાતવ ઉપરાંત પ્રદેશ પ્રમુખ અમિત ચાવડા, વિપક્ષના નેતા પરેશ ધાનાણી, અમદાવાદના ધારાસભ્યો ગ્યાસુદ્દીન શેખ, ઇમરાન ખેડાવાલા, શૈલેશ પરમાર, હિંમતસિંહ પટેલ વગેરે આ કાર્યક્રમમાં જોડાયા હતા. 

સારંગપુર સર્કલથી શરૂ થઇ હતી રેલી 

સારંગપુર સર્કલથી સંવિધાન બચાવો રેલી કાલુપુર રોડ, પ્રેમદરવાજા પોલીસ ચોકી, વિનોદ ચેમ્બર, બી.જી. ટાવર, નમસ્તે સર્કલ, રિલાયન્સ માર્કેટ, સીપીઓફિસ, સુભાષબ્રિજ થઇ કલેકટર કચેરી જશે.

અમદાવાદમાં યોજાશે કેમ છો ટ્રમ્પ કાર્યક્રમ 

આપને જણાવી દઇએ કે, અમેરિકાના રાષ્ટ્રપતિ ડોનાલ્ડ ટ્રમ્પ આગામી 24-25 ફેબ્રુઆરીના રોજ ભારત યાત્રા પર આવી રહ્યા છે. આ દરમિયાન અમદાવાદના મોટેરા સ્ટેડિયમ ખાતે કેમ છો ટ્રમ્પ નામનો કાર્યક્રમ યોજાવાના છે. 

PM મોદી તથા ટ્રમ્પ મોટેરા સ્ટેડિયમનું કરશે ઉદ્ઘાટન 

ઉલ્લેખનીય છે કે, ડોનાલ્ડ ટ્રમ્પ મોટેરા સ્ટેડિયમનું 4 વાગ્યે ઉદ્ધાટન કરશે. મોટેરા સ્ટેડિયમ ખાતે 2 કલાકનો કાર્યક્રમ રહેશે. ડોનાલ્ડ ટ્રમ્પને ગુજરાતના લોક સંગીત અને સંસ્કૃતિની ઝાંખી બતાવાશે. ડોનાલ્ડ ટ્રમ્પ ગુજરાતના દાંડિયા રાસ નિહાળશે. જેની રમતગમત મંત્રાલયને જવાબદારી સોંપવામાં આવી છે.