‘મારે કોઈ પાર્ટનર જોઈએ છે, જેની સાથે હું સેક્સ્યુઅલ સંબંધ રાખી શકું.’
તેવી વાતો શહેરના પાલડી વિસ્તારમાં આવેલી એક સંસ્થાના પ્રેસિડેન્ટએ તેની પૂર્વ મહિલા કર્મચારી સાથે કરતાં મામલો પોલીસ સ્ટેશન સુધી પહોચ્યો છે. સંસ્થાનો પ્રેસિડેન્ટ મહિલાનું સાથે સેસ્ક્યુઅલ હેરેસમેન્ટ કરતો હતો, જેના કારણે તેણે નોકરી છોડી દીધી હતી.
મૂળ બિહારની અને હાલ ગાંધીનગરમાં રહેતી ૩૩ વર્ષીય યુવતીએ પશ્ચિમ મહિલા પોલીસ સ્ટેશનમાં હસન ઝોહર નામની વ્યકિત વિરુદ્ધ સેસ્ક્યુઅલ હેરેસમેન્ટ તેમજ છેડતીની ફરિયાદ કરી છે. ફરિયાદમાં કરેલા આક્ષેપ પ્રમાણે યુવતી હાલ ગાંધીનગરની એક યુનિવર્સિટીમાં પીએચડીનો અભ્યાસ કરે છે અને ગત વર્ષના ઓક્ટોબર મહિનામાં એક સંસ્થામાં નોકરી માટે એપ્લાય કર્યું હતું.
આ સંસ્થાના પ્રેસિડેન્ટ હસન ઝોહરે યુવતીનું પાલડી ખાતે આવેલા રાજનગર કોમ્પ્લેક્સમાં ઇન્ટર્વ્યુ લીધો હતો. ઇન્ટર્વ્યુ બાદ આ યુવતીની ફિલ્ડ વર્ક અને સોશિયલ વર્ક ઓફિસર તરીકે નિમણૂક કરાઈ હતી.
નિયમ મુજબ હસન ઝોહરે યુવતીને ૪૩ હજાર ભરવા જણાવ્યું હતું પણ તેની પાસે રૂપિયા નહીં હોવાથી યુવતીએ અસલ ડોક્યુમેન્ટ જમા કરાવ્યા હતા. હસન ઝોહરે આ યુવતીને એચ.આર.નું કામ પણ કરવાનું કહ્યું હતું. જોકે તેણે કામ કરવાનો ઇનકાર કરી દેતાં બંને વચ્ચે બોલાચાલી પણ થઈ હતી.
એક દિવસ હસનની યુવતી પર નિયત ખરાબ થતાં તેને કહ્યું હતું કે, ‘મારે કોઈ પાર્ટનર જોઈએ છે, જેની સાથે હું સેક્સ્યુઅલ સંબંધ રાખી શકું.’ હસન આવેશમાં આવીને યુવતીને બાથ ભરી તેની છેડતી કરતો હતો. આટલું જ નહીં, આ શખ્સ સેક્સની વાતો કરતો અને તારે કોઈ બોયફ્રેન્ડ છે કે નહીં? તું સેક્સ કરે છે કે નહીં? તેમ કહી યુવતીને હેરાન પરેશાન કરતો હતો.
યુવતીએ આ બધી વાતો નહીં કરવાનું ઝોહરને કહેતાં તેને કામની બાબતે હેરાન પરેશાન કરતો હતો. હસન ઝોહરની હરકતોથી કંટાળીને યુવતીએ રાજીનામું આપી દીધું હતું ત્યારે આ હસન આ યુવતીના અસલ ડોક્યુમેન્ટ ન આપતાં આખરે યુવતીએ મહિલા પોલીસ સ્ટેશનમાં ફરિયાદ નોંધાવી છે પોલીસે આ મામલે ગુનો દાખલ કરીને તપાસ શરૂ કરી છે.