અમદાવાદ: ગુજરાતમાં ઠંડીની શરૂઆત થઈ ચૂકી છે. ત્યારે અમદાવાદ સહિતના શહેરોમાં ઠંડીનો ચમકારો જોવા મળ્યો. તો ગાંધીનગર 13.2 ડિગ્રી સાથે સૌથી ઠંડુ શહેર બન્યું. બીજી તરફ અમદાવાદમાં પણ વહેલી સવારથી ઠંડીન ચમકારો જોવા મળ્યો.
શહેરમાં વહેલી સવારથી ધુમ્મસમય વાતાવરણ પણ જોવા મળ્યું. તો હવામાન વિભાગે આગાહી કરી છે કે આગામી સમયમાં ઠંડીનું જોર વધી શકે છે. જો કે ઠંડ઼ીની શરૂઆત થતા જ શહેરના વિવિધ પાર્કમાં હેલ્થ કોન્સિયસ લોકો ઉમટ્યા. વહેલી સવારના ખુશનુમા વાતાવરણાં હેલ્થ કોન્સિયસ લોકો યોગા કસરત વિવિધ શારીરીક કસરતમાં વ્યસ્ત બન્યા છે.
ઉલ્લેખનીય છે કે છેલ્લા કેટલાક સમયગાળાથી હિમાચલમાં બરફવર્ષા થઇ રહી છે. જેની અસર સમગ્ર ભારત પર જોવા મળી રહી છે. ત્યારે ગુજરાતમાં પણ ઠંડીનો ચમકારો જોવા મળ્યો હતો. ખાસ કરીને રાજ્યના પાટનગર ગાંધીનગરમાં ઠંડીનું પ્રમાણ વધારે જોવા મળ્યું હતું.