અમદાવાદ: ઉત્તર ભારતમાં થઇ રહેલી હિમવર્ષાના કારણે દેશભરમાં હાડ થીજવતી ઠંડી પડી રહી છે. જેની સીધી અસર હવે ગુજરાતમાં પણ જોવા મળી રહી છે. ઠંડીનો ચમકારો રાજ્યમાં વધતા હવે લોકો ગરમ સ્વેટર અને તાપણાનો સહારો લઈ રહ્યા છે. આ તરફ અમદાવાદ અને રાજકોટ અને ગાંધીનગરમાં 13 ડિગ્રી તાપમાન નોંધાયું છે.
આ સાથે જ સૌરાષ્ટ્રના રાજકોટમાં 14 મધ્યગુજરાતના વડોદરામાં 15 ડિગ્રી અને સુરતમાં 16 તો રાજ્યના પાટનગર ગાંધીનગરમાં 13 ડિગ્રી તાપમાન નોધાયું છે. ખાસ કરીને કચ્છના નલિયામાં ૧૩ ડિગ્રી સાથે રાજ્યનું સૌથી ઠંડું શહેર બન્યું હતું. ઠંડીની મજા લેવા હવે વહેલી સવારે ચાલવા નીકળતા લોકોનો ગાર્ડનમાં જમાવડો જોવા મળી રહ્યો છે.
#Gujarat માં વહેલી સવારમાં કડકડતી ઠંડી#Ahmedabad માં ઠંડા પવનોથી ઠંડીનો ચમકારો વધ્યો
રાજસ્થાનના #MountAbu માં પારો 3 ડિગ્રી સુધી ગગડ્યો
અમદાવાદ અને ગાંધીનગરમાં 13 ડિગ્રી તાપમાન
ડીસામાં 12 ડિગ્રી તાપમાન નલિયામાં 13 ડિગ્રી તાપમાન#ColdWavepic.twitter.com/y6vmIJOiga
ઉલ્લેખનીય છે કે આ તરફ રાજસ્થાનના આબુમાં 4 ડિગ્રી પારો હવે પહોંચ્યો છે ડીસામાં 10.1 ડિગ્રી તાપમાન નોંધાયો છે. હવામાન વિભાગે પહાડો પર હિમવર્ષા અને નીચાણવાળા વિસ્તારોમાં વરસાદની સંભાવના વ્યક્ત કરી છે. જ્યારે ઉત્તરાખંડમાં પણ ભારે હિમવર્ષા થઈ રહી છે.
ઉત્તરાખંડના મસૂરીમાં પણ ભારે હિમવર્ષા થઈ રહી છે. જેના કારણે સહેલાણીઓમાં ખુશીનો માહોલ છવાઈ ગયો છે. તો ઉત્તરાખંડના ચમૌલીમાં પણ હિમવર્ષા થતાં ચોતરફ બરફની ચાદર છવાઈ ગઈ હતી. માર્ગોથી લઈને પહાડો સુધી જ્યાં જુઓ ત્યાં સફેદ બરફની ચાદર દેખાઈ રહી છે.