અમદાવાદ: રાજ્યમાં ગરમી બાદ હવે શિયાળાની ધીમા પગલે શરૂઆત થઈ છે. સમગ્ર રાજ્ય સહિત અમદાવાદમાં પણ વહેલી સવારથી ઠંડીનો અહેસાસ જોવા મળ્યો.
શહેરમાં વહેલી સવારથી જ ધુમ્મસભર્યુ વાતાવારણ જોવા મળ્યું. ત્યારે હવામાન વિભાગે પણ આગામી સમયમાં ઠંડીનું પ્રમાણ વધે તેવી શક્યતા વ્યક્ત કરી છે.
બીજી તરફ ઠંડીની શરૂઆત થતાં જ શહેરના વિવિધ પાર્ક હેલ્થ કોન્સિયસથી ઉભરાયા. વહેલી સવારથી જ શહેરના પાર્કમાં લોકોનો ધસારો જોવા મળ્યો. ફુલ ગુલાબી ઠંડી વચ્ચે પોતાનુ હેલ્થ સાચવવા માટે પાર્કમાં લોકો વિવિધ યોગા કસરત વગેરે કરી રહયા છે.
મહત્વની વાત છે કે બપોરે ગરમી અને રાતે ઠંડીના પગલે લોકો પર ડબલ સિઝનની પણ અસર જોવા મળી છે. તો બીજી તરફ ઠંડીના ધીમા આગમન બાદ શહેરના પાર્ક પણ ઉભરાયા છે. લોકો વોકિંગ યોગા અને વિવિધ કસરતો માટે વહેલી સવારથી પાર્કમાં ઉમટી રહ્યા છે.
જમ્મૂ-કશ્મીરમાં થઇ ભારે હિમવર્ષા
જમ્મૂ-કશ્મીરમાં છેલ્લા કેટલાંક દિવસથી હિમવર્ષા થઈ રહી છે. કશ્મીરના મોટાભાગના વિસ્તારોમાં સફેદી છવાયેલી છે. ત્યારે સહેલાણીઓમાં પણ ઉત્સાહનો માહોલ છે. વાતાવરણમાં ઠંડક હોવાને કારણે લોકો રસ્તા પર સ્વેટર અને મફલર પહેરીને ફરતા જોવા મળ્યા હતા.