અમદાવાદમાં કોરોનાના કેસ વધવા વચ્ચે મહત્વની જવાબદારી સંભાળતા ડૉક્ટરોએ સ્વૈચ્છિક નિવૃત્તિ(VRS) માંગી છે. જેને લઇને અનેક ચર્ચાઓ શરૂ થઇ છે.
સિવિલના ઇન્ચાર્જ સુપરિટેન્ડેન્ટે માગ્યું VRS
સરકાર પાસે માગી સ્વૈચ્છિક નિવૃત્તિ
બી.જે મેડિકલ કોલેજના ડીને પણ માગ્યું VRS
એક તરફ કોરોનાની બીજી લહેરને લઇને કોરોનાના કેસ વધી રહ્યા છે બીજી તરફ અમદાવાદમાં આવેલી ભારતની સૌથી મોટી સિવિલ હોસ્પિટલના સુપરિટેન્ડેન્ટ અને બી.જે મેડિકલ કોલેજના ડીન સહિતના કેટલાક સીનિયર ડૉક્ટરોએ સરકાર પાસે સ્વૈચ્છિક નિવૃત્તિ માંગી છે. મળતી માહિતી મુજબ અમદાવાદ સિવિલ હોસ્પિટલના ઈન્ચાર્જ સુપ્રિન્ટેન્ડેન્ટ ડૉ.જે.પી.મોદી અને બી.જે.મેડિકલ કોલેજના ઈન્ચાર્જ ડીન ડૉ.પ્રણય શાહે સ્વૈચ્છિક નિવૃત્તિ માંગી છે. તો સિવિલમાં મેડિસિન બ્રાંચના સિનિયર ડો.બિપિન અમિને પણ નિવૃત્તિ માંગી છે.
મહત્વનું છે કે, ગુજરાતમાં કોરોનાના કેસો વધી રહ્યા છે અને અમદાવાદની સિવિલ હોસ્પિટલમાં કોરોનાના દર્દીઓની સંખ્યા પણ વધી રહી છે. તો બી.જે મેડિકલ કોલેજની માઈક્રાબોયોલોજીમાં કોરોના ટેસ્ટિંગ વધી રહ્યા છે. ત્યારે આ બે સૌથી મહત્વના પદ પરનો ચાર્જ સંભાળતા સીનિયરે ડૉક્ટરોએ કોરોનાના આવા કપરા સમયમાં જ સ્વૈચ્છ નિવૃત્તિ માંગતા અનેક ચર્ચા શરૂ થઇ ગઇ છે. ત્યારે હાલ થોડા ડૉક્ટરોએ નિવૃત્તિ માંગી છે પરંતુ આગામી સમયમાં પણ માંગી શકે તેવા એંધાણ છે.
અમદાવાદ સિવિલ હોસ્પિટલમાં 426 કોરોના દર્દીઓ
અમદાવાદમાં કોરોના વાયરસનો કહેર યથાવત છે. ત્યારે સિવિલમાં કોરોનાના કેસ વધી રહ્યા છે. સિવિલ હોસ્પિટલમાં કોરોનાના 426 દર્દીઓ છે. રવિવારે કોરોનાના 99 દર્દીઓ હોસ્પિટલમાં દાખલ થયા હતા. ત્યારે સિવિલ હોસ્પિટલના સુપરિટેન્ડેન્ટ ડો.મોદીએ કહ્યું કે સિવિલમાં કોરોનાના દર્દીનો ગ્રાફ વધ્યો છે. અને ટેસ્ટિંગ રેટમાં પણ વધારો થયો છે.
ગુજરાતમાં રોજબરોજ કોરોના તોડી રહ્યો છે રેકોર્ડ
ગુજરાતમાં કોરોના વાયરસનુ સંક્રમણ બેકાબૂ થયો છે. રોજ બરોજ કેસની સંખ્યા ખુબ વધી રહી છે. રાજ્યમાં 2,270 કોરોના કેસ નોંધાયા છે. રાજ્યમાં 1605 દર્દીઓ સાજા થયા છે.જયારે કુલ 152 દર્દીઓ વેન્ટિલેટર પર છે. રાજ્યમાં હાલ એક્ટિવ કેસ 11,528 એક્ટિવ કેસ નોંધાયા છે. કોરોનાથી રાજ્યમાં 8 દર્દીના મૃત્યુ છે. અત્યાર સુધી કોરોનાથી કુલ 4492 લોકોના મૃત્યુ થયા છે. અને રોજ આ આંકડો વધી રહ્યો છે.તેના કારણે તંત્રની ચિંતામાં વધારો થયો છે. ઉલ્લેખનીય છે કોરોના કેસનો 2270નો આંકડો ગુજરાતમાં અત્યાર સુધીનો સૌથી વધુ નોંધાયેલા કેસનો આંકડો છે.