Scam / અમદાવાદની સિવિલ હોસ્પિટલ ફરીથી વિવાદમાં, કરોડોના કૌભાંડના આક્ષેપ

• સિવિલ હોસ્પિટલમાં ખરીદી કૌભાંડ
• દવાઓ, પાણીની બોટલની ખરીદીમાં કૌભાંડ
• ભોજન, સફાઈ કામ માટે કરોડોનો ખર્ચ દર્શાવ્યો

મહામારીમાં માનવતાને શરમાવે એવો કિસ્સો સામે આવ્યો છે. અમદાવાદની સિવિલ હોસ્પિટલમાં અવાર-નવાર કૌભાંડ અને ગોલમાલના આક્ષેપ થતા રહે છે અને તે અંગે કમિટીઓ બનતી રહે છે. ત્યારે ફરીથી અમદાવાદ હોસ્પિટલ વિવાદમાં આવી છે. અમદાવાદની સિવિલ હોસ્પિટલમાં ખરીદીમાં કૌભાંડના આક્ષેપ સામે આવ્યા છે. 

શેમાં શેમાં આચરવામાં આવ્યું કૌભાંડ

દવાઓ, પાણીની બોટલોની ખરીદીમાં કૌભાંડ થયું છે. ભોજન, સફાઈ કામ માટે કરોડોનો ખર્ચ બતાવાયો છે અને કોરોના કાળમાં સિવિલમાં બોગસ પોસ્ટ ઉભી કરાઈ છે. 

શું થઈ રહી છે કૌભાંડ

પ્રોક્યોરમેન્ટ ઓફિસરની બોગસ પોસ્ટ ઉભી કરીને કરોડોનું કૌભાંડ આચરાયું છે. આરોગ્ય વિભાગે તપાસ શરૂ કરતા અધિકારીઓ નીચે રેલો આવ્યો છે અને  વેપારી અને એજન્ટોને બચાવવા IAS દોડ્યા હોવાનો પણ ગણગણાટ થઈ રહ્યો છે. IAS અધિકારીની કમિશન એજન્ટ અને વચેટિયા સાથે સંડોવણી હોવાની વાતોએ તુલ પકડી છે.