અમાનુષી / અમદાવાદની સિવિલના કર્મચારીના કામ જાણી તમે પણ કહેશો, માનવતા આ હદ સુધી મરી ગઈ?

• મૃતદેહ પરથી સોનાની બંગડીની ચોરી
• 1.60 લાખના બંગડીની ચોરી કરનારની ધરપકડ
• મૃતદેહને લિફ્ટમાં લઈ જતા સમયે કરી ચોરી 

એશિયાની સોથી મોટી સિવિલ હોસ્પિટલમાં મોતનો મલાજો ન જાળવનાર આરોપી સાહિલ ઉર્ફે ભુરિયો મકવાણાની ધરપકડ કરવામાં આવી છે. આરોપીએ બારસો બેડ કોરોના હોસ્પિટલમાં મૃત્યુ પામેલા દર્દીના મૃતદેહ પરથી દાગીનાની ચોરી કરી હતી. જોકે પોલીસે આરોપીની ધરપકડ કરી વધુ તપાસ હાથ ધરી છે. કોરોનામા મૃત્યુ પામેલા મહિલા દર્દીની સોનાની બંગડી આ આરોપીએ ચોરી કરી છે. 11 તારીખે દર્દી મોહિની બેનના મૃત્યુ બાદ 4 તોલા સોનાની 2 બંગડી ચોરી કરી હતી.

જેની ફરિયાદ મળતા પોલીસે આરોપીની ધરપકડ કરી છે. આ અગાઉ પણ શાહિબાગ પોલીસે એક આરોપીની ધરપકડ કરી હતી જેને 4 ચોરીની કબૂલાત કરી હતી. આ ઝડપાયેલ આરોપી સાહિલ સિવિલ હોસ્પિટલમાં જ કોન્ટ્રાક્ટ પર કામ કરે છે. મૃતદેહ લિફ્ટમાં લઈને ઉતરી રહ્યો હતો. તે સમયે તેને આ ચોરીને અંજામ આપ્યો હતો. પોલીસે ચોરીની 1.60 લાખના કિંમતની સોનાની બંગડી કબજે કરી છે.

શું છે અમદાવાદની સ્થિતિ

અમદાવાદમાં કોરોનાના વધતા સંક્રમણ વચ્ચે વધુ એક આફત આવી છે. ખાનગી હોસ્પિટલમાં હવે ઓક્સીજનનો જથ્થો ખુટી રહ્યા છે. ભુયંગદેવ ચાર રસ્તા નજીક એવીઓન કીડની હોસ્પિટલમાં ઓક્સિજનનો જથ્થો ખૂટ્યો છે. હાલ હોસ્પિટલમાં કોરોનાના 10 દર્દીઓ સારવાર હેઠળ છે. 2 દર્દીની તબિયત ક્રિટિકલ હોવાની પણ વાત સામે આવી છે. એક દર્દીનું નિધન થતા પરિવારે ઓક્સિજનની અછતને જવાબદાર કારણ ગણાવ્યું હતું.