જ્યાં સામાન્ય માણસને પણ પ્રવેશ ન મળવો જોઈએ ત્યાં કુતરા આરામથી ફરે છે. જી હા અમદાવાદ સિવિલ હોસ્પિટલના CCTVમાં હોસ્પિટલમાં કૂતરા આરામથી ફરતા હોય અને આરામ ફરમાવતા હોય તેવી તસવીરો કેદ થઈ ગઈ છે. ત્યારે પ્રશ્ન એ ઉઠે કે આ તે કેવી બેદરકારી?
એશિયાની સૌથી મોટી સિવિલ હોસ્પિટલમાં દેખાયા શ્વાન
હોસ્પિટલના વોર્ડમાં ફરતા શ્વાનના CCTV આવ્યા સામે
સિક્યુરિટી પર લાખોનો ખર્ચો છતા વ્યવસ્થાના નામે મિંડું
કોરોનાના કહેર વચ્ચે અમદાવાદ સિવિલ હોસ્પિટલની બેદરકારી સામે આવી છે. અમદાવાદ સિવિલ હોસ્ટિલમાં સિક્યુરિટી સ્ટાફની બેદરકારી સામે આવી છે. સિવિલ હોસ્પિટલના વોર્ડમાં શ્વાન ફરતા દેખાયા છે.
હોસ્પિટલના વોર્ડમાં ફરતા શ્વાનના CCTV સામે આવ્યા છે. જેને લઇ હોસ્પિટલમાં સિક્યુરિટી પર થતા લાખોના ખર્ચ પર પણ સવાલો ઉઠી રહ્યાં છે.
કર્નલ પ્રધાન સિક્યુરિટી ઓફિસરની બેદરકારીના કારણે શ્વાન હોસ્પિટલ વોર્ડમાં ઘૂસી ગયા. અગાઉ ગોધરામાં પણ આવી બેદરકારી સામે આવી હતી. જ્યાં શ્વાન એક નવજાતને ઉઠાવી ગયું હતું.