બેદરકારી / સિવિલમાં બેદરકારીનો સિલસિલો યથાવત્ : કોંગ્રેસ નેતાનું 9 દિવસથી થયું હતું મોત છતાં પરિવારને ન કરાઈ જાણ

• અમદાવાદનું નઘરોડ સિવિલ હોસ્પિટલ તંત્ર
• અમદાવાદ સિવિલની એક બાદ એક બેદરકારીની ઘટનાઓ 
• ફરી પોરબંદરના દર્દીને લઇ વિવાદમાં અમદાવાદ સિવિલ

5 મેના રોજ પ્રવિણભાઈ કેન્સરની સારવાર માટે હોસ્પિટલમાં દાખલ થયા હતા. આઈસોલેશન વોર્ડમાં ટ્રાન્સફર કરાયા બાદ દર્દી ગાયબ થયા હતા. આઈસોલેશનમાં દાખલ કરાયા બાદ પરિવારનો તેમનાથી સંપર્ક કપાયો હતો. 8 દિવસથી દર્દી હોસ્પિટલમાં ન હોવાના પરિવારના આક્ષેપ બાદ સિવિલ તંત્ર સફાળુ જાગ્યુ હતું. જેમાં પહેલા તો જેમ સામાન્ય લોકોને કરે છે તેમ હોસ્પિટલ તંત્ર પાસે દર્દીને લઈને કોઈ જવાબ ન હતો. પરંતુ અર્જૂન મોઢવાડિયાએ હોસ્પિટલ તંત્ર સામે સવાલ ઉઠાવ્યા બાદ તંત્ર દોડચું થયું હતું. 

બેદરકારીનો ઘટનાક્રમ

• પોરબંદરના કોંગ્રેસ શહેરના મંત્રીને 4 મેના રોજ હોસ્પિટલમાં કરાયા દાખલ
• પ્રવિણ બરીદુનને શ્વાસ લેવામાં તકલીફ હોવાથી સિવિલમાં કરાયા હતા દાખલ
• શ્વાસ લેવામાં તકલીફ હોવાથી પરિવારને કોરોનાનો રિપોર્ટ કરવાનું જણાવાયું
• 5 મેના રોજ પ્રવિણભાઈના દીકરાને હોસ્પિટલમાંથી ન અપાયો કોઈ જવાબ
• કોરોનાનો રિપોર્ટ મોબાઈલ મેસેજ આવશે તેવો હોસ્પિટલમાંથી અપાયો જવાબ
• દરરોજ હોસ્પિટલમા ધક્કા ખાધા બાદ પણ પરિવારને કોઈ જવાબ ન મળ્યો
• 8 દિવસ બાદ પરિવારે અર્જૂન મોઢવાડિયોનો કર્યો હતો સંપર્ક
• અર્જૂન મોઢવાડિયાએ હોસ્પિટલ સામે સવાલ કરતા સમગ્ર મામલો સામે આવ્યો
• 4 મેએના રોજમાં પોરબંદરના કોંગ્રેસ શહેર મંત્રીનું થયું હતું મોત
• 9 દિવસ બાદ આજે હોસ્પિટલે પ્રવિણભાઈના મૃત્યુની કરી પુષ્ટી
• સિવિલના સુપ્રિન્ટેન્ડેન્ટે 9 દિવસ પહેલા મૃત્યુ થયું હોવાની કરી પુષ્ટી
• દર્દીના પરિવારજનોને આજે મૃતદેહ સોંપવામાં આવશેઃ સુપ્રિટેન્ડેન્ટ
• શ્વાસ લેવામાં તકલીફ હતી કોવિડ સેન્ટરમાં રખાયા હતા: સુપ્રિટેન્ડેન્ટ
• પરિવારને શોધ્યા પરંતુ તેઓ મળ્યા ન હતાઃ સુપ્રિટેન્ડેન્ટ

દર્દીના મોત મામલે આજે સિવિલના સુપ્રિન્ટેન્ડેન્ટે કરી પુષ્ટી

કેન્સરના દર્દીનું 4 મેના મૃત્યુ થયુ હતુ. દર્દીના પરિવારજનોને આજે મૃતદેહ સોંપવામાં આવશે. શ્વાસ લેવામાં તકલીફ હતી કોવિડ સેન્ટરમાં રખાયા હતા. 

પ્રવિણ બરીદુનના પુત્રનું શું કહેવુ છે?

આ સમગ્ર બેદરકારી મામલે બરીદુનના પુત્રએ કહ્યું હતું કે મારા પિતાને 4 મેના રોજ એડમિટ કર્યા હતા. 4 મે બાદ પિતાનો કોરોનાનું ટેસ્ટિગ કર્યુ હતુ. હજુ સુધી કોરોનાનો રિપોર્ટ અંગે અમને જાણ નથી કરાઇ. આજે મારા પિતાની મૃત્યુની વાત કરી રહ્યા છે. જો કે બાદમાં માલૂમ પડ્યું હતું કે તેમનો કોરોનાનો રિપોર્ટ નેગેટિવ આવ્યો હતો. જેથી તેમનું મોત કોરોનાથી નથી થયું તે વાત સ્પષ્ટ થઈ હતી.

સળગતા સવાલ

• સિવિલમાં કેમ વારંવાર આવી બેદરકારી સામે આવે છે?
• 9 દિવસ પહેલા મોત થયું તો આજે કેમ મૃતદેહ સોપવામાં આવ્યો?
• શું દર્દીઓ પ્રત્યે સિવિલ હોસ્પિટલની કોઈ જવાબદારી નથી બનતી?
• 9 દિવસ બાદ પરિવારને જાણ કરો તે કેટલું યોગ્ય?
• શું દર્દીઓ પ્રત્યે આવી બેદરકારી યોગ્ય છે?
• દર્દીનું મોત થાય અને પરિવારને જાણ પણ ન કરો શું એટલું વ્યસ્ત છે સિવિલનું તંત્ર?