સિવિલ હોસ્પિટલમાં યશ ફેબ્રીકેશન તેમજ તેમના સરકારી મળતિયા ભ્રષ્ટાચાર કર્યો હોવાની અરજી કોઈ જાગૃત નાગરિકે પોલીસમાં કરતા હડકંપ મચ્યો છે.
અમદાવાદ સિવિલના સત્તાધીશો વિવાદમાં
RMO સહિતના અધિકારીઓ સામે ભ્રષ્ટાચારના આરોપ
ટેન્ડર પાસ કરાવવા 40 લાખની લાંચનો આરોપ
અમદાવાદ સિવિલ હોસ્પિટલના સત્તાધીશો ફરી વિવાદમાં આવ્યા છે. RMO અને અન્ય અધિકારીઓ સામે ભ્રષ્ટાચારના આરોપ લાગતાં ખળભળાટ મચ્યો છે. પોલીસમાં એક નાગરિકે દાવા સાથે અરજી કરી છે અને આરોપ લગાવ્યો છે કે સાઈન બોર્ડ અને LEDના ટેન્ડરમાં RMO સંજય સોલંકી અને ડૉ.જીગ્નેશ દેસાઈએ મોટાં પાયે રૂપિયા ખંખેર્યા છે.ટેન્ડર પાસ કરવા માટે રૂ.40 લાખ લીધા હોવાનો અરજીમાં ઉલ્લેખ કરવામઆ આવ્યો છે. મળતિયા યશ ફેબ્રીકેશનને ટેન્ડર પાસ કરાવવા કૌભાંડ આચર્યાનો દાવો થઈ રહ્યો છે.
સિવિલ હોસ્પિટલના સત્તાધીશો સામે આરોપનામું
અરજીમાં કરવામાં આવેલા આક્ષેપ મુજબ યશ ફેબ્રીકેશનના નામ ધરાવતી પેઢી ને સિવિલ હોસ્પિટલ અસારવા અમદાવાદ ખાતેસાઈન બોર્ડ , LED બોર્ડ ,fabrication flax printing, વિનાઇલ તેમજ સ્ટેશનરી નું L1 કેટેગરી માટે ટેન્ડર મેળવેલ તેમ છતાં બોગસ બિલિંગ કરીને ભ્રષ્ટાચાર આચરી પૈસા કમાવવાની ઘેલછા ના લીધે યશ ફેબ્રીકેશનના માલિકે ડૉ.જીગ્નેશ દેસાઈ ( esic ના cmo) ને મળી ને ત્યારબાદ અનુક્રમે તબક્કાવાર બીજા બધા લોકો ને લાંચ આપવા નક્કી કરેલ,આમ ડૉ.જીગ્નેશ દેસાઈદલાલી નું કામકાજ કરી ભ્રષ્ટાચાર આચરવામાં સહયોગી છે.
કોની કોની વિરુધ્ધ અરજીમાં ભ્રષ્ટાચારનો ઉલ્લેખ
આમ L1 કેટેગરી મા ટેન્ડર મેળવેલ બાદ યશ ફેબ્રીકેશન ડો સંજય સોલંકી હાલમાં ( post. civil hospital,અસારવા, અમદાવાદ) ખાતે ફરજ બજાવે છે. Dr sanjay kapadiya ( post : civil hospital અસારવા, અમદાવાદ)ખાતે ફરજ બજાવે છે. Dr જીગ્રેશ દેસાઈ દ્વારા તેમના પત્ની (Dr નીલમ)ના ખાતામાં પૈસા લીધેલ છે.
40 લાખ રૂપિયાની લાંચ રોકડ તેમજ મોંઘી ગિફ્ટ અપાઈ હોવાનો આરોપ
એમ બી પારેખ ( સિવિલ હોસ્પિટલમા એકાઉન્ટ અને રોગ કલ્યાણ સમિતિ ના મેનેજર તરીકે ફરજ બજાવે છે) તેઓ પારેખ પૈસાની લેવડદેવડ મહેશ મોદી (s.m.marketing) ની ઓફિસમા લેવડદેવડ કરેલ છે. અન્ય લોકો પણ આ ભ્રષ્ટાચાર મા સામેલ છે. યશ ફેબ્રીકેશનની જોડે મંડળી રચીને ઉપરોકત તમામ સરકારી કર્મચારી/ અધિકારીઓએ ભ્રષ્ટાચાર આચરેલ છે.આમ 40 લાખ રૂપિયાની લાંચ Neft/Rtgs/cheque ના માધ્યમથી તેમજ 40 લાખ રૂપિયાની લાંચ રોકડ તેમજ મોંઘી ગિફ્ટ સ્વરૂપે આપેલ છે. આમ કુલ 80 લાખ રૂપિયાની આસપાસ ની રકમ લાંચ રૂપે આપી હોય તેવી આશંકા ના લીધે આ ફરિયાદ તમોને કરવામાં આવે છે.