31 ડિસેમ્બરને લઈ અમદાવાદ શહેર પોલીસ સજ્જ થઇ ચૂકી છે. પોલીસ સીસીટીવી પર મોનીટરીંગ કરી રહી છે. શહેરમાં 7 DCP, 14 ACP બંદોબસ્તમાં જોડાયા છે. 14 ACP, 50 PI અને 100 PSI બંદોબસ્તમાં જોડાયા છે. તો 3500 જેટલા પોલીસ કર્મી બંદોબસ્તમાં તૈનાત રહ્યા છે. અમદાવાદ પોલીસ 9 વાગ્યા પછી કર્ફ્યુનો કડક અમલ કરાવી રહી છે. ત્યારે જુઓ અમદાવાદમાં થર્ટી ફર્સ્ટની રાત્રીએ કેવો છે માહોલ...
31 ડિસેમ્બરને લઈ અમદાવાદ શહેર પોલીસ સજ્જ
અમદાવાદના રસ્તા સુમસામ બન્યા
કોવિડની ગાઈડલાઈનનો ચુસ્તપણે અમલ થઈ રહ્યો છે
31 ડિસેમ્બરની રાત્રે અમદાવાદના રસ્તા સુમસામ બન્યા છે. CG રોડ પર પોલીસ કાફલો સ્ટેન્ડ બાય કરવામાં આવ્યો છે. 9 વાગ્યા બાદ બહાર નિકળતા લોકોને રોકવામાં આવી રહ્યા છે. પંચવટી સર્કલથી CG રોડ પર તમામ સર્કલ પર પોલીસ તૈનાત કરાઇ છે. રાત્રિ કર્ફ્યુના ભંગના અમલને લઈ પોલીસ કાર્યવાહી કરી રહી છે. અમદાવાદ સહિત રાજકોટ, વડોદરા, સુરત અને સમગ્ર રાજ્યમાં પોલીસનો ચાંપતો બંદોબસ્ત ગોઠવી દેવાયો છે. સમગ્ર રાજ્યમાં બીન જરૂરી રીતે બહાર નીકળતા લોકો પર તવાઇ બોલાવવામાં આવી રહી છે. મહત્વનું છે કે, રાજ્ય અને સમગ્ર દેશમાં કોરોનાનો કહેર ચાલી રહ્યો છે જેને લઇને ક્રિસમસના તહેવારો પર પ્રતિબંધ મુકવામાં આવ્યો છે. 31stની રાત્રે ભેગી થતી ભીડને અટકાવવા માટે રાત્રિ કર્ફ્યુનો કડક અમલ કરાવવામાં આવી રહ્યો છે.
અમદાવાદમાં 31 ડિસેમ્બરને લઇને પોલીસ સમગ્ર શહેરમાં તૈનાત થઇ ચૂકી છે. પોલીસ દ્વારા વાહનોનું ચેકીંગ કરવામાં આવી રહ્યું છે. તો બીજી તરફ પાર્ટી પ્લોટ અને ફાર્મ હાઉસમાં પણ પોલીસ દ્વારા તપાસ કરવામાં આવી રહી છે. સોલા પોલીસ દ્વારા સરપ્રાઈઝ ચેકીંગ હાથ ધરવામાં આવ્યું છે. ઓગણજ પાસેના ફાર્મ હાઉસમાં પોલીસનું ચેકીંગ કરાયું છે. ફાર્મ હાઉસમાં આવેલા તમામ રૂમનુ પોલીસ દ્વારા ચેકીંગ કરાયું છે. જુઓ Video...
પ્રજાનો સહકાર મળ્યો: સુરત પોલીસ કમિશનર
31stની રાત્રે સુરતમાં પણ પોલીસનો ચુસ્ત બંદોબસ્ત ગોઠવાયો છે. ડુમસ રોડ પર પોલીસ તૈનાત કરી દેવામાં આવી છે. શહેર પોલીસ કમિશનરે સુરક્ષાની સમીક્ષા કરી હતી. સુરતમાં ડ્રોનના માધ્યમથી પણ ચેકિંગ હાથ ધરાયુ છે. સુરત પો. કમિશનરે કહ્યું કે, પ્રજાનો સહકાર મળ્યો છે. લોકો શાંતિથી પોતાના ઘરમાં પહોંચ્યા છે. ચેકિંગ માટે ડ્રોનનો ઉપયોગ થઈ રહ્યો છે. કોવિડની ગાઈડલાઈનનો ચુસ્તપણે અમલ થઈ રહ્યો છે. વાયોલેન્સનો કોઈ બનાવ બન્યો નથી. હજુ સુધી કોઈ માહિતી નથી મળી. પોલીસ પોતાનું કામ સારી રીતે કરી રહી છે.
વડોદરામાં 31st ડિસેમ્બરની ઉજવણી પર પ્રતિબંધ
વડોદરા પોલીસનો મોટો કાફલો રસ્તા પર ઉતર્યો છે. દાંડિયા બજાર બ્રિજ પાસે પોલીસની ટીમનું ચેકિંગ શરૂ કરી દેવાયું છે. બ્રેથ એનેલાઈઝર મશીનથી ઠેર ઠેર ચેકિંગ કરાયુ છે. PI, SP, DSP, એડિશનલ પોલીસ કમિશનર બંદોબસ્તમાં જોડાયા છે.