અમદાવાદ / મંદીનો મારઃ શહેરમાં ૨૧ હજાર ટુ-વ્હીલર, ૩૩૯૬ કાર ઓછાં વેચાયાં

• ગુજરાત સહિત દેશભરમાં મંદીનો માહોલ છવાયો
• 2018ની તુલનામાં ચાલુ વર્ષે વાહન ઓછા વેચાયાં
• ઓટોરિક્ષાનાં વેચાણમાં વધારો થયો
   

૧૯૯૯થી દરેક વાહન પર આજીવન વિહિકલ ટેકસ વસૂલાયો

મ્યુનિસિપલ કોર્પોરેશન બીપીએમસી એકટની જોગવાઇ હેઠળ ગત તા.૧ એપ્રિલ ૧૯૯૯થી દરેક વાહન પર આજીવન વિહિકલ ટેકસ વસૂલાઇ રહ્યો છે. આજીવન વિહિકલ ટેકસ લેવાની વ્યવસ્થા સિવિક સેન્ટર તેમજ આરટીઓ ઓફિસમાં વિહિકલ ટેકસના કાઉન્ટર પર કરાઇ છે. જે તે વાહનના પ્રકાર પર આજીવન વિહિકલ ટેકસનો દર નક્કી કરાયો છે.

ટુ વ્હીલર પર  બેઝિક પ્રાઇસ પર આજીવન વિહિકલ ટેક્સ

જેમકે સ્કૂટર, મોટર સાઇકલ સહિતના ટુ વ્હીલર પર બેઝિક પ્રાઇસના અઢી ટકા લેખે, ઓટો રિક્ષા પર બેઝિક પ્રાઇસના એક ટકા લેખે અને કાર તથા જીપ પર તેની કિંમત પર એક ટકાથી અઢી ટકા સુધીનો આજીવન વિહિકલ ટેકસ લેવાય છે. મેટાડોર, મિની બસ તેમજ ટ્રક, મોટી બસ અને અન્ય મોટા વાહનોમાં બેઝિક પ્રાઇસના સવા ટકા લેખે આજીવન વિહિકલ ટેકસ નક્કી કરાયો છે.

કુલ કેટલા વાહનોનું વેચાણ થયું

ગત તા.૧-૪-ર૦૧૮થી ગત તા.૧૪-૧૦-ર૦૧૮ સુધીમાં મ્યુનિસિપલ તંત્રમાં સ્કૂટર, મોટર, બાઇક સહિતનાં ટુ વ્હીલરમાં કુલ ૧,૦ર,૭૧૩ વાહન, ર૮,૧૮૩ કાર, પ,૯૩૭ ઓટો રિક્ષા, ર૬૩૧ મેટાડોર, મિનીબસ, લોડિંગ રિક્ષા સહિત કુલ ૧,૪૦,૯૪૪ વાહનો નોંધાયાં હતાં. આ વાહનોથી મ્યુનિસિપલ તિજોરીને કુલ રૂ.૪૮.૧૪ કરોડની આવક થઇ હતી. જ્યારે ચાલુુ વર્ષે આજ સમયગાળામાં ટુ વ્હીલર, કાર, ઓટો રિક્ષા, મિની બસ સહિતના અન્ય વાહનોમાં ક્રમશઃ ૮૧,૧૯૩, ર૪,૭૮૭, ૭ર૩૮ અને ૧૯૭૦ સહિતના કુલ ૧,૧૬,૬૯૬ વાહન નોંધાયા હતા.

ગત નાણાંકીય વર્ષની સરખામણીએ વેચાણમાં થયો ઘટાડો

જાણકાર સૂત્રો કહે છે કે ગત નાણાકીય વર્ષની સરખામણીમાં ચાલુ નાણાકીય વર્ષમાં અત્યાર સુધીમાં ટુ વ્હીલરમાં ર૧,પર૦, કારમાં ૩,૩૯૬, મિની બસ-મેટાડોરમાં ૬૬૧ વાહનોનો ઘટાડો નોંધાયો છે. જેના કારણે આજીવન વિહિકલ ટેકસ આવકમાં પણ રૂ.૪.૯૭ કરોડનો ઘટાડો થઇને રૂ.૪૩.૧૭ કરોડ થયાે છે. ફકત ઓટો રિક્ષાની સંખ્યામાં ગત વર્ષથી સરખામણીમાં ૧,૩૦૧ વાહનોનો વધારો નોંધાયો છે જે શહેરમાં બેેરોજગારી વધી હોવાનું સૂચવે છે.