અમદાવાદના છારાનગરમાં સગીરા સાથે દુષ્કર્મ ગુજારીને તેનો વીડિયો વાયરલ કરવાની ધમકી આપી હતી. આ ઘટનાને પગલે સગીરાએ આપઘાત વહોરી લેતા છારાનગરમાં ભારેલા અગ્નિ જેવી સ્થિતિનું નિર્માણ થયુ હતુ.
પોલીસે દુષ્કર્મના આરોપીની કરી હતી ધરપકડ
સગીરાને લાગી આવતા ઘરે કર્યો આપઘાત
છારાનગરમાં પોલીસનો ચૂસ્ત બંદોબસ્ત ગોઠવાયો
અમદાવાદના છારાનગરમાં દુષ્કર્મની પીડિતાના આપઘાતની ઘટના સામે આવી છે. ઘટનાને પગલે ચકચાર મચી ગઈ છે.
સગીરાએ ઘરે ગળે ફાંસો ખાઈને કર્યો આપઘાત
શખ્સે દુષ્કર્મ આચરતા સગીરાએ ઘરે ગળે ફાંસો ખાઈને આપઘાતો કર્યો છે. મળતી માહિતી મુજબ 10 દિવસ પહેલા છારાનગરમાં સગીરા સાથે દુષ્કર્મની ઘટના બની હતી. દુષ્કર્મ બાદ સગીરાનો વીડિયો વાયરલ કરવાની આરોપીએ ધમકી હતી.
પોલીસે દુષ્કર્મના આરોપીની કરી હતી ધરપકડ
આ મામલે સરદારનગર પોલીસ સ્ટેશનમાં ફરિયાદ થઈ હતી. સરદારનગર પોલીસે ફરિયાદના આધારે આરોપીની ધરપકડ પણ કરી હતી. ત્યારે હવે લાગી આવતા આવતા સગીરાએ આપઘાત કર્યો છે. સગીરાના આપઘાત બાદ છારાનગર વિસ્તારમાં પોલીસનો ચૂસ્ત બંદોબસ્ત ગોઠવાયો છે.