અમદાવાદ: એક તરફ સરકાર અને પોલીસ સલામતીના દાવા કરી રહી છે ત્યારે અમદાવાદ શહેરમાં તસ્કરોએ તરખાટ મચાવ્યો છે. છેલ્લા 15 દિવસથી વાહનચોરી કરતી ટોળકીએ આતંક મચાવ્યો છે. મોટે ભાગે રાતના સમય દરમિયાન શહેરના અલગ અલગ વિસ્તારમાંથી વાહનચોરીને અંજામ આપવામાં આવી રહ્યો છે.
ઉલ્લેખનીય છે કે ખાસ કરીને શહેરના ભાડજ સોલા થલતેજ વસ્ત્રાપુરમાં વાહનોની ચોરી ઘટનાઓ વધી રહી છે. 5થી 7 શખ્સોની ટોળકી વાહનચોરીને અંજામ આપી રહી છે. શનિવારે મોડીરાતે જ ભાડજ સર્કલ પાસે પ્રાઈડ આઇકોન નજીકથી વાહનોની ચોરી થઈ હતી.
પાર્ક કરેલા બૂલેટનું લોક તોડી શખ્સોએ ચોરીને અંજામ આપ્યો હતો. ચોરોને જાણે પોલીસનો ડર ન હોય તેમ સીસીટીવી કેમેરાની સામે જ જોઈને અશ્લિલ હરકત કરી હતી. હાલ પોલીસે CCTV ફૂટેજના આધારે શખ્સોની શોધખોળ શરૂ કરી છે.
આપને જણાવી દઇએ કે અમદાવાદ શહેરની ગણના દેશના મેટ્રોસીટીમાં કરવામાં આવે છે. તેમછતાં અમદાવાદ શહેરમાં તસ્કરોએ તરખાટ મચાવ્યો છે. છેલ્લા 15 દિવસથી વાહનચોરીના વિવિધ બનવો સામે આવી રહ્યા છે. ત્યારે વધુ એક બનાવ સામે આવ્યો હતો.
તાજેતરમાં શહેરના કેટલાક વિસ્તારોમાં એક ટોળકી સક્રિય થઇ હોવાની ઘટના સામે આવી છે. આ ટોળકી દ્વારા શહેરના વિવિધ વિસ્તારોમાં ઘર બહાર પાર્ક કરવામાં આવેલ વાહનોની ચોરી કરે છે. ગતરોજ ભાડજ વિસ્તારમાં પાર્ક કરાયેલ બૂલેટનું લોક તોડી કેટલાક લોકો ચોરી કરતા નજરે પડ્યા હતા. આ સમગ્ર ઘટના CCTVમાં કેદ થઇ હતી.
એક તરફ સરકાર અને પોલીસ સબ સલામત હોવાના દાવા કરી રહી છે ત્યારે મેગાસીટીના કેટલાક સ્થળો પર મોડી રાતે ચોરીના બનાવો બની રહ્યા છે. આ બનાવોને તાત્કાલિક અસરથી અટકાવવામાં આવે તેવી લોકમાંગ સ્થાનિક લોકો દ્વારા ઉઠવા પામી છે. આ સાથે મોડી જ રાતે પોલીસ દ્વારા કોમ્બિંગ નાઇટના સ્ટાફમાં વધારો કરવામાં આવે તેવી પણ લોકમાંગ ઉઠવા પામેલ.